नंदुरबार l
शहादा तालुक्यातील सुलवाडे भवानीहट्टी येथे सासूच्या हातावर जावयाने वार करुन दुखापत केल्याप्रकरणी गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, शहादा तालुक्यातील सुलवाडे भवानीहट्टी येथील रमणबाई आंबालाल सोनवणे यांना जावई राहूल परशुराम मराठे हा दारुच्या नशेत घरासमोर तलवार घेवून शिवीगाळ करीत होता. यावेळी रमणबाई सोनवणे व त्यांचे पती व मुले यांनी राहूल मराठे यास पकडून ठेवत तलवार हिसकावण्याचा प्रयत्न करीत होते.
यावेळी राहूल मराठे याने झटापटी करुन तलवारीने रमणबाई सोनवणे यांच्या हातावर वार करुन दुखापत केली. तसेच तलवार फेकून पळून गेला. याबाबत रमणबाई सोनवणे यांच्या फिर्यादीवरुन म्हसावद पोलिस ठाण्यात राहूल मराठे याच्याविरोधात भादंवि कलम ३२४, ५०४, ५०६ सह भारतीय हत्यार कायदा ४/२५ प्रमाणे गुन्हा दाखल करण्यात आला आहे. पुढील तपास पोहेकॉ.जितेंद्र पाडवी करीत आहेत.
