नंदुरबार l
नुकत्याच पार पडलेल्या शहादा तालुक्यातील ग्रामपंचायत निवडणूकीत एकलव्य आदिवासी क्रांतीदल संघटनेने ५२ पैकी ४ ग्रामपंचायतीत वर्चस्व तर ४३ सदस्य विजयी झाले आहेत, असा दावा एकलव्य आदिवासी क्रांती दलाचे प्रदेशाध्यक्ष तथा नंदुरबार जिल्हाध्यक्ष विरेंद्र अहिरे यांनी केला आहे.
प्रसिद्धीस दिलेल्या पत्रकात त्यांनी म्हटले आहे की, शहादा तालुक्यात एकलव्य आदिवासी क्रांतीदल संघटनेतर्फे पहिल्यांदाच शहादा तालुक्यात ग्रामपंचायत निवडणूक स्वबळावर लढविण्यात आली. यात ५२ पैकी ४ ग्रामपंचायतींवर संपूर्ण पॅनल विजयी झाले. तर इतर ५ ग्रामपंचायतीमध्ये ग्रा.पं.सदस्य मोठ्या संख्येने निवडून आले.
विजयी ग्रामपंचायतींमध्ये वडछील (संपूर्ण पॅनल विजयी), भुलेआकासपूर (संपूर्ण पॅनल), तलावडी (संपूर्ण पॅनल), लोहारे-तिजारे-कलमाडी (संपूर्ण पॅनल), शहादा (४ सदस्य विजयी), चिरखान (३ सदस्य), डोंगरगांव (६ सदस्य), जावदा (६ सदस्य), भोंगरा (२ सदस्य). सदर ग्रामपंचायती संघटनेचे जिल्हाध्यक्ष विरेंद्र अहिरे व प्रकाश गावीत यांच्या मार्गदर्शनाखाली शहादा तालुकाध्यक्ष राजु पवार, सचिव राहुल पावरा, कार्याध्यक्ष कुणाल अहिरे व संपूर्ण टिमने परिश्रम घेतले.
