तळोदा l
भाजपाचे प्रदेश कार्यकारणी सदस्य डॉ.शशिकांत वाणी यांची गुजरात विधान सभेच्या जंबुसर विधान सभा प्रभारी म्हणून नियुक्ती करण्यात आली आहे. नुकतीच त्यांनी कामाची सूत्रे हाती घेतली असून कार्यकर्ता परिचय बैठक घेतली.
गुजरात विधान सभेच्या निवडणुका तोंडावर आल्या असल्याने भारतीय जनता पार्टीकडून गुजरात राज्यात जोरदार मोर्चेबांधणी सुरू केली आहे.महाराष्ट्राला लागून असणाऱ्या सीमा वरती विधानसभा मतदारसंघात नंदुरबार जिल्ह्यातील भाजपाचे ज्येष्ठ नेत्यांची विधानसभा प्रभारी म्हणून नियुक्ती केलेली आहे.
त्यात तळोद्याचे भाजपचे ज्येष्ठ नेते डॉ वाणी यांचा समावेश करण्यात आला आहे.त्यांनी जंबुसर या मतदारसंघातील आमोद येथिल शहर व ग्रामीण अश्या 4 मंडळात कार्यकर्ता परिचय बैठक आयोजित केली होती.यात प्रदेशातून नियुक्त भरुच जिल्ह्य़ाचे प्रभारी रघुनाथ कुलकर्णी व सहप्रवासी सहप्रभारी राजेंद्र राजपुत यांच्यासह भरुच जिल्ह्य़ातील सर्व भाजपा पदाधिकाऱ्यांसह अनेक कार्यकर्ते उपस्थित होते.
पक्षाने दाखवलेला विश्वास सार्थ करून जंबुसर विधानसभा मतारसंघात भाजपाच्या उमेदवार निश्चित विजय करू, असा विश्वास डॉ वाणी यांनी लोकमतशी बोलताना व्यक्त केला. त्यांच्या नियुक्तीबद्दल विविध क्षेत्रातून त्यांचे अभिनंदन करण्यात येत आहे
