सारंगखेडा l प्रतिनिधी
सारंगखेडा येथील एकमुखी दत्त यात्रेनिमित्त भरणाऱ्या अश्व बाजार व चेतक फेस्टिव्हलचे उद्घाटनासाठी चेतक फेस्टिव्हल समितीचे अध्यक्ष जयपालसिंह रावल यांनी अभिनेता सोनू सुद यांना निमंत्रण दिले आहे . सोनू सुद हे चेतक फेस्टिव्हलचे ब्रॅड ॲम्बेसिडर ही होणार आहेत . अशी माहिती समितीच्या वतीने देण्यात आली .
येथील चेतक फेस्टिव्हल ज्याप्रमाणे अश्वशौकिनांना भूरळ घालत असते . त्याच प्रमाणे बॉलिवुड आणि हॉलिवूड तारकांनाही भूरळ घालत असते . यंदाही सारंगखेडा एकमुखी दत्त यात्रोत्सवानिमित्त अश्व बाजार व चेतक फेस्टिव्हलची तयारी सुरू झाली आहे .
चेतक फेस्टिव्हलचे उद्घाटन ८ डिसेंबर ला अभिनेता सोनु सुद यांच्या हस्ते होणार आहे . त्यासाठी चेतक फेस्टिव्हल समितीचे अध्यक्ष जयपालसिंह रावल यांनी मुंबई येथे अभिनेता सोनू सुद यांच्या निवासस्थानी भेट देऊन निमंत्रण दिले आहे . यावेळी अश्व बाजाराची व चेतक फेस्टिव्हलची श्रीं . रावल यांनी माहीती दिली . येथे २०१२ पासून दरवर्षी डिसेंबर महिन्यात श्री . दत्त प्रभूच्या जयंतीनिमित्त यात्रोत्सवात चेतक फेस्टिव्हलचे आयोजन करण्यात येते .
दरवर्षी सिनेसृष्टीतील कलाकार येतात . यंदाही विविध कलाकारांना निमंत्रण दिले जाणार आहे . अशी माहीती समितीने दिली आहे .
