नंदुरबार l
शहादा शहरातील नगरपालिका परिसरात हद्दपारीचे आदेश असतांना सुद्धा फिरतांना आढळून आल्याने ब्राह्मणपूरी येथील एकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, शहादा तालुक्यातील ब्राह्मणूपरी येथील अजय उर्फ टायगर राजेंद्र पावरा यास दोन वर्ष कालावधीसाठी नंदुरबार जिल्ह्यातून हद्दपार करण्यात आले आहेत. तरी सुद्धा अजय पावरा हा शहादा शहरातील नगरपालिका परिसरात हद्दपारीचे आदेशाचे उल्लंघन करीत कोर्टाची किंवा पोलिस अधिक्षकांंची पूर्व परवानगी न घेता फिरतांना आढळून आला. याबाबत पोना.विजय ढिवरे यांच्या फिर्यादीवरुन शहादा पोलिस ठाण्यात अजय पावरा याच्याविरोधात महाराष्ट्र पोलिस अधिनियम कलम १४२ प्रमाणे गुन्हा दाखल करण्यात आला आहे. पुढील तपास पोहेकॉ.रमण वळवी करीत आहेत.
