नंदूरबार l प्रतिनिधी
नंदूरबार जिल्हयात गणेशोत्सव काळात डी . जे . व डॉल्बी सिस्टिमवर बंदी घालण्यात आली असून वापर केल्यास कठोर कारवाई करण्यात येईल असे
जिल्ह्याचे पोलीस अधीक्षक पी . आर . पाटील यांनी सांगितले.
नंदुरबार जिल्ह्यात मागील काही दिवसात साजरे झालेले रमजान ईद , शिवजयंती , विविध महापुरुषांच्या जयंती , रामनवमी , मोहरम , विश्व आदिवासी गौरव दिन तसेच आगामी काळात साजरे होणारे गणेशोत्सव काळात डी . जे . व डॉल्बी साऊंड सिस्टीम न वाजविता पारंपरिक वाद्य वाजवावे असे आवाहन नंदुरबार जिल्हा पोलीस दलामार्फत करण्यात आले होते . नंदुरबार जिल्ह्यातील सर्व सार्वजनिक मंडळानी पोलीस दलाच्या आवानास उत्तम असा प्रतिसाद देत पारंपरिक वाद्ये वाजवून नंदुरबार जिल्हा डी . जे . मुक्त व डॉल्बी मुक्त करण्याचा प्रयत्न केला होता . त्यामुळे नाशिक परिक्षेत्राचे विशेष पोलीस महानिरीक्षक डॉ . बी . जी . शेखर पाटील यांचे हस्ते नंदुरबार जिल्ह्यातील 235 मंडळांच्या पदाधिकाऱ्यांना प्रशंसापत्र देवून सत्कार करण्यात आला होता . डी . जे . व डॉल्बी मुक्त नंदुरबार जिल्हा म्हणून महाराष्ट्रात नंदुरबार जिल्ह्याची ओळख निर्माण झाली होती 31 ऑगस्ट रोजी पासून गणेशोत्सवाची सुरुवात होणार आहे . गणेशोत्सव काळात गणेश मुर्तीची स्थापना, विसर्जन मिरवणुकीचे वेळी ध्वनी प्रदुषण निर्माण होईल अशी साधने डी . जे . व डॉल्बी यांचा वापर करण्यावर ध्वनी प्रदुषणाचे नियंत्रण व नियमन तसेच नंदुरबार जिल्ह्यातील सण व उत्सव साजरे करतांना डी . जे . व डॉल्बी सिस्टीमवरून उच्च आवाजात गाणी वाजविल्यामुळे ध्वनी प्रदुषण होवून सार्वजनिक शांततेचा भंग होतो .
तसेच डी . जे . व डॉल्बीच्या उच्च आवाजामुळे वृध्द् इसम , आजारी इसम , लहान बालके यांच्या आरोग्यावर वाईट परिणाम होत असतो . त्यामुळे नंदुरबार जिल्ह्याच्या जिल्हाधिकारी मनिषा खत्री यांनी दि. 31 ऑगस्ट ते दि. 9 सप्टेंबर पर्यंत डी.जे. डॉल्बी सिस्टिमवर बंदी घातली आहे. व त्याबाबतचे सविस्तर आदेश देखील निर्गमीत केलेले आहे . नंदुरबार जिल्ह्यात यावर्षी डी . जे . व डॉल्बी सिस्टिमचा वापरावर बंदी घालण्यात आलेली आहे . गणेशोत्सव काळात डी.जे. व डॉल्बी साऊंड सिस्टीम न वाजविता पारंपरिक वाद्य वाजवावे . डी . जे . व डॉल्बीचा वापर केल्यास संबंधीतांवर कठोर कायदेशीर कारवाई करण्यात येईल असे नंदुरबार जिल्ह्याचे पोलीस अधीक्षक पी . आर . पाटील यांनी सांगितले आहे .
तसेच गणेशोत्सव काळात समाजातील काही विकृत व गुन्हेगारी प्रवृत्तीचे लोक मुद्दाम सोशल मिडीयाच्या माध्यमातून खोट्या बातम्या किंवा अफवा पसरवून नागरीकांमध्ये भितीचे व दहशतीचे वातावरण निर्माण करु शकतात त्यामुळे नागरीकांनी व्हॉट्सऍप , इंस्टाग्राम , ट्वीटर , फेसबुक इत्यादी समाज माध्यमांद्वारे चुकीची माहिती, अफवा प्रसारित करु नये . सर्व नागरीकांना आवाहन करण्यात येते की , गणेशोत्सव काळात ध्वनी प्रदुषण ( नियम व नियंत्रण ) सन 2000 म . जिल्हा माहीती अधिकारी , नंदुरबार संपादक चे उल्लंघन केल्यास पर्यावरण संरक्षण कायदा कलम 15 प्रमाणे 5 वर्ष कैदेची किंवा एक लाख रुपये दंड किंवा दोन्ही शिक्षा होवु शकतात .
तसेच शिक्षा होवून सुध्दा असे गुन्हे केल्यास 5 हजार रुपये दंड प्रत्येक दिवसाला व शिक्षा लागल्याच्या 1 वर्षापर्यंतच्या काळात पुन्हा असे गुन्हे केल्यास 7 वर्षापर्यंतची शिक्षा होवू शकते , त्यामुळे गणेशोत्सव काळात कोणत्याही सार्वजनिक जागेत किंवा जागेजवळ किंवा कोणत्याही सार्वजनिक करमणुकीचे ठिकाणी ध्वनीक्षेपकाचा उपयोग मयदिपेक्षा मोठ्या आवाजात करु नये , तसे आढळुन आल्यास त्वरीत पोलीस नियंत्रण कक्ष , नंदुरबार 02564-210100 / 210113 यावर संपर्क साधावा असे आवाहन करण्यात आले आहे . जिल्हा पोलीस अधीक्षक पी.आर. पाटील यांनी केले आहे.
