नंदुरबार l प्रतिनिधी
जिल्ह्याचे अप्पर जिल्हाधिकारी महेश पाटील यांनी मौजे पथराई, ता. नंदूरबार व आमलाड, ता. तळोदा येथे ई-पीक पाहणी संदर्भात भेट देऊन ई-पीक पाहणी संदर्भात मार्गदर्शन केले.
यावेळी त्यांचेसमवेत उपजिल्हाधिकारी महसूल नितीन सदगीर, तहसिलदार, तळोदा गिरिश वखारे, मंडळ अधिकारी, तळोदा समाधान पाटील, तलाठी आमलाड सुषमा चौरे उपस्थित होते.
यावेळी सर्वानी विद्यादेवी अशोक तांबोळी व सतीश नरेंद्र पाटील, केशव भुबुता पाटील यांच्या शेतजमिनीत प्रत्यक्ष शेतकऱ्यांकडून ई-पीक पाहणी नोंदविण्यात आली. सर्व शेतकऱ्यांनी स्वतःहुन वेळेवर ऑनलाईन ई-पीक पाहणी मोबाईल ॲपद्वारे नोंदणी करण्याचे आवाहनही अपर जिल्हाधिकारी महेश पाटील यांनी शेतक-यांना केले.
