नंदुरबार l प्रतिनिधी
बनावट वाहन नोंदणी प्रकरणी नंदुरबार येथील आरटीओ कार्यालयातील दोन लिपिकांना निलंबित करण्यात आले आहेत .
याबाबत अधिक माहिती अशी की, जानेवारी २०२२ ते आतापर्यंत सर्व वाहन धारक तसेच एजन्ट सलीम खान, ईमरान सैय्यद व इतर एजंट तसेच संबंधित व्यक्ती यांनी उप प्रादेशिक परीवहन कार्यालय वर नमुद विविध कंपनीच्या विविध मॉडेलच्या ८३ गाडया हया फिर्यादी जयसिंग चुडामण बागुल व त्याचे वरिष्ठ कांतीलाल अहिरे यांची ऑनलाईन वाहन पोर्टलवरील
युजर आय.डी हॅक करुन त्याचे कार्यालयातुन कोणालाही न देलेले आकर्षक / निवडक VIP वाहन क्रमांक वापरुन ते वर नमुद ८३ वाहनावर शासनाला कोणताही BMV टॅक्स न भरता ते वाहन रजिस्टर केल्याचे दाखवुन
तसेच वर नमुद वाहनाचे इंजिन नंबर किंवा चेसिस नंबरमध्ये खाडाखोड करुन तसेच आर सी बुकचे बनावटीकरण करुन शासनाची अंदाजित ६६ लाख ५९ हजार ९०० रुपयाची फसवणुक केली. तसेच फौजदारी पात्र कट रचला म्हणुन
जयसिंग चुडामण बागुल रा- स्वामी समर्थ नगर, नंदुरबार यांच्या फिर्यादीवरून नंदूरबार शहर पोलिस ठाण्यात सर्व वाहन धारक तसेच एजंट सलीम खान रा. औरंगाबाद, एजंट ईमरान सैय्यद रा.तळोदा व इतर एंजट तसेच संबंधित व्यक्ती यांच्या विरुद्ध भादंवि क ४२० ४६५ ४६७ ४६८ १२० अ ३४ सह माहिती तंत्रज्ञान अधि ६६ , ६६ ( क ) प्रमाणे गुन्हा दाखल करण्यात आला होता.
त्यामुळे शासनाचा लाखो रुपयांचा महसूल बुडाला आहे .याबाबत चौकशी केली असता तेथील लिपिक कांतीलाल अहिरे व जयसिंग बागुल यांनी हा प्रताप केल्याचे निष्पन्न झाले.
आहे . याबाबत जळगावचे सामाजिक कार्यकर्ते गणेश ढेंगे यांनी मुख्यमंत्री एकनाथ शिंदे यांच्याकडे गंभीर स्वरूपाची पुराव्यानिशी तक्रार केली होती . याची दखल घेत परिवहन आयुक्त अविनाश ढाकणे यांनी नंदुरबार कार्यालयातील कांतीलाल अहिरे व जयसिंग बागुल या दोन कर्मचाऱ्यांना तातडीने निलंबित केले आहे . तसे आदेश त्यांनी नुकतेच दिले आहेत