नंदुरबार l प्रतिनिधी
येथील भारतीय जीवन विमा निगम (एलआयसी ऑफ इंडीया) चे विमा प्रतिनिधी अरुण श्रीराम महाजन यांना लाईफ इन्शुरन्स कंपनीतील सर्वात महत्त्वाचा मानला जाणारा एमडीआरटी-२०२३ (मिलियन डॉलर राऊंड टेबल) चा बहुमान मिळाला आहे .
जे विमा प्रतिनिधी दरवर्षी एमडीआरटीचे ठरलेले उद्दीष्ठ पूर्ण करतात त्यांना विमा कंपनीतर्फे एमडीआरटी म्हणून घोषीत करण्यात येते. कामात सातत्य आणि ग्राहकांना उत्तम सेवा दिल्याबद्दल प्रतिनिधींची शिफारस एलआयसी शाखेतर्फे वरिल पातळीवर केली जाते.त्यात अरुण महाजन हे गेल्याने तीन वर्षापासून पात्र ठरत आहेत.
नंदुरबार शाखेतील सलग तिसऱ्यांदा एमडीआरटी चा बहुमान मिळविणारे ठरले आहेत. त्यांचा नंदुरबार येथील एलआयसी शाखेत शाखाधिकारी जगदिश शिंदे यांचा हस्ते गौरव करण्यात आला. यावेळी उपशाखाधिकारी अक्षय गावीत, विकास अधिकारी प्रकाश चव्हाण तसेच एजंट व कर्मचारी उपस्थित होते.
