नंदुरबार l प्रतिनिधी
शिवसंग्राम पक्ष व मराठा समाज आरक्षण समितीचे अध्यक्ष माजी आ.विनायक मेटे यांचे अपघाती निधन झाले. या निधनाची वार्ता कळताच राज्यासह नंदुरबार शहर व जिल्ह्यातील मराठा समाजावर मोठी शोककळा पसरली. माजी आ.विनायक मेटे यांचे निधन झाल्याने त्यांच्या प्रतिमेचे पुजन करुन नंदुरबार येथील मराठा क्रांती मोर्चा व मराठा समाज नंदुरबार यांच्या वतीने सामुहिक भावपुर्ण श्रध्दांजली वाहण्यात आली. यावेळी मराठा समाज बांधवांना अश्रू अनावर झाले.
मुंबई-पुणे एक्सप्रेस महामार्गावर झालेल्या कार अपघातात शिवसंग्राम पक्ष व मराठा समाज आरक्षण समितीचे अध्यक्ष विनायकराव मेटे यांचे दि.14 रोजी निधन झाले. त्यांच्या निधनाची वार्ता कळताच शोककळा पसरुन मराठा समाजावर दुःखाचा मोठा डोंगर कोसळला. नंदुरबार येथील मराठा क्रांती मोर्चा व मराठा समाज यांच्या वतीने शहरातील जुनी नगरपालिका चौकात छत्रपती शिवाजी महाराज यांच्या पुतळ्याजवळ कै.विनायकराव मेटे यांच्या प्रतिमेचे पुजन करुन श्रध्दांजली अर्पण करण्यात आली.
याप्रसंगी मराठा क्रांती मोर्चाचे प्रविण मराठे, हरिष हराळे, नितीन जगताप, नवनीत शिंदे, सुर्यवंशी मराठे पंचमढी मंडळाचे अध्यक्ष प्रल्हाद मराठे, माजी अध्यक्ष श्रावण मराठे, अखिल भारतीय अभाविप सुर्यवंशी क्षत्रिय मराठा समाज जळगावचे कार्याध्यक्ष जयराम मराठे, महेंद्र मराठे, विशाल मराठे, हर्षल पाटील, भिमसिंग राजपूत, चेतन राजपूत, हिरालाल मराठे, धनसुख मराठे, अल्पेश मराठे, रमेश मराठे, गोरख मराठे, यशराज मराठे, जगन मोरे, चंद्रकांत बोराणे, प्रमोद मराठे, ईश्वर खेडे, भाईदास पवार, रमेश चौधरी, भानुदास मराठे, गणेश मराठे, प्रकाश मराठे, रोहित पाटील, सुनिल भवर, हिरालाल मराठे, दिनेश पवार, पिंट्या मराठे, दिपक मराठे, हेमंत कदम, जय शिंदे व समाजबांधव उपस्थित होते.
