नंदूरबार l प्रतिनिधी
अक्कलकुवा तालुक्यातील उमरागव्हाण ग्रामपंचायत आमराईपाडा येथे हर घर तिरंगा व स्वातंत्र्याचा अमृत महोत्सव कार्यक्रम युनीसेक संचालित वन हक्क व पेसा कायदा यांचे सूक्ष्म नियोजन संसाधन व्यवस्थापन केंद्र. नंदूरबार यांच्या वतीने साजरा करण्यात आला.
स्वातंत्र्य दिवस व स्वातंत्र्याचा अमृत महोत्सव या कार्यक्रमाचा औचित्य साधून आदिवासी बांधवांचे हक्क तसेच संस्कृती, कला, परंपरा यावर प्रकाश टाकण्यात आला.
यावेळेस सामूहिक वन हक्क व जंगल संवर्धन या दृष्टिकोनातून विविध योजना व नियोजन करत आराखडा तयार करण्याच्या दृष्टीने यावेळेस चर्चा करण्यात आली.
तसेच गावातील बहुतांश कुटुंबांचे उपजीविका ही जंगल व शेतीवर अवलंबून आहे तरी वनोउपज प्रक्रिया व्यवसायाला चालना देण्यासाठी वन हक्क व पेसा केंद्र यांच्यामार्फत मार्गदर्शन केले जाणार आहे.
तरी मोतीराम वसावे ग्रामपंचायत सदस्य, मोजा गिरजा वसावे ग्रामपंचायत सदस्य, धर्मदास रामजी वसावे वैयक्तिक वनपट्टा हक्कदार, इंदिरा पितांबर वसावे अंगणवाडी सेविका संसाधन व्यवस्थापन केंद्राचे केंद्र समन्वयक परवेश खाटीक व आदी ग्रामस्थ उपस्थित होते.
