नवापूर | प्रतिनिधी
नवापूर तालुका भाजपाच्या वतीने देशाच्या स्वातंत्र्याचा अमृत महोत्सव वर्षानिमित्त आज दि. १४ ऑगस्ट रोजी भव्य तिरंगा रॅली व डॉ.विजयकुमार गावित यांचे जंगी स्वागत करण्यात येणार आहे.
राज्याचा मंत्रिमंडळात ना.डॉ.विजयकुमार गावित यांची कॅबिनेट मंत्री पदी निवड झाल्यानंतर प्रथमच त्यांचे नवापूर नगरीत आगमन होत आहे. त्यानिमित्त आणि आपल्या देशाच्या स्वातंत्र्याचा अमृत महोत्सव वर्षानिमित्त नवापूर तालुका भाजपाच्या वतीने तालुकाध्यक्ष भरत गावित यांच्या नेतृत्वाखाली आज दि. १४ ऑगस्ट रोजी सकाळी ११ ना.डॉ.विजयकुमार गावित व खा.डॉ.हिना गावित, भाजपा जिल्हाध्यक्ष विजय चौधरी यांच्या प्रमुख उपस्थितीत भव्य – दिव्य अशी तिरंगा रॅलीचे आयोजन करण्यात आले आहे.
या रॅलीला स्व.सौ.हेमलताताई वळवी स्मारकाला पुष्पहार अर्पण करून प्रारंभ होईल. त्यानंतर रॅली शहरातून मार्गस्थ होत सरदार चौक येथे समारोप होईल. रॅलीचा समारोप झाल्यानंतर सरदार चौक येथे नवापुर तालुक्यातील व शहरातील विशाल जनसमुदायाचा साक्षीने नवापूर भाजपा तालुकाध्यक्ष भरत गावित यांच्या हस्ते डॉ.विजयकुमार गावित यांचा जंगी सत्काराचा कार्यक्रम होणार आहे. कार्यक्रमाला नवापुर शहरातील व तालुक्यातील सर्व नागरिकांनी उपस्थित राहावे असे आवाहन नवापुर भाजपाच्या वतीने भरत गावित यांनी केले आहे.
