बोरद l प्रतिनिधी
तळोदा तालुक्यातील बोरद येथे विश्व आदिवासी दिनानिमित्त शहादा तळोदा चौफुलीवर बिरसा मुंडा यांच्या प्रतिमेचे पूजन करण्यात आले.प्रसंगी गावातून भव्य रॅलीचेही आयोजन करण्यात आले होते. यावेळी आदिवासी संस्कृतीच्या विविध कलाकृतीचे दर्शन घडले.
यावेळी बोरद येथील आदिवासी दिनाच्या कार्यक्रमाचे अध्यक्षस्थानी माजी क्रीडामंत्री पद्माकर वळवी हे होते. प्रसंगी प्रमुख अतिथी म्हणून माजी जि. प. समाज कल्याण सभापती नरहर ठाकरे ,कॉ.मंगलसिंग चव्हाण , तळोदा तालुका काँग्रेस कमिटीचे अध्यक्ष रोहिदास पाडवी तसेच संजय गांधी निराधार योजनेचे माजी अध्यक्ष प्रवीण वळवी हे प्रामुख्याने उपस्थित होते.
यावेळी माजी मंत्री पद्माकर वळवी यांनी विश्व आदिवासी दिनाचे महत्त्व सांगत आदिवासी क्रांतिकारकांच्या इतिहासाला उजाळा दिला दरम्यान शहादा, तळोदा चौफुलीपासून आदिवासींच्या पारंपारिक वाद्यांच्या गजरात भव्य मिरवणुकीस प्रारंभ झाला.
तत्पूर्वी माजी मंत्री पद्माकर वळवी यांच्या हस्ते प्रतिमा पूजन करण्यात आले यावेळी बिरसा मुंडा यांच्या प्रतिमेला पुष्पहार अर्पण करण्यात आला.
यावेळी कॉ. मंगलसिंग चव्हाण त्याचबरोबर सुकलाल ठाकरे,माजी समाजकल्याण सभापती नरहर ठाकरे,तळोदा कृषी उत्पन्न बाजार समितीचे उपसभापती दत्तात्रय पाटील त्याचबरोबर तुळाजा, मालदा, गोंडाळे, न्यूबन, तसेच परिसरातील बरेच आदिवासी बांधव यावेळी उपस्थित होते.
कार्यक्रम यशस्वी करण्यासाठी कॉ. दयानंद चव्हाण यांनी परिश्रम घेतले त्याचबरोबर गावातून आदिवासींच्या पारंपारिक वाद्य वाजवत गावातून भव्य दिव्य रॅली काढण्यात रॅली काढण्यात आली यावेळी या रॅलीमध्ये माजी मंत्री पद्माकर वळवी यांनीही सहभाग नोंदवला त्याचबरोबर आदिवासी समाजाचे लोकप्रतिनिधी यांनीही या ठिकाणी आपला सहभाग नोंदवला.
प्रसंगी अनेक आदिवासी बांधवांनी आपली पारंपारिक वेशभूषा या ठिकाणी परिधान केली होती. विविध आपल्या समाजातील वाद्य या ठिकाणी आणून त्या वाद्यांच्या गजरात या मिरवणुकीत प्रारंभ झाला .गावातील प्रत्येक गल्लीत ही रॅली आदिवासी समाजाच्या जयघोषयात निघाली.शेवटी बिरसा मुंडा चौकात याचा समारोप झाला.