चिनोदा.ता.तळोदा | वार्ताहर
तळोदा तालुक्यातील चिनोदा येथे प्रसिध्द असे पुरातन काळापासूनचे श्री नागेश्वर मंदिर असून येथे नागेश्वराची मूर्ती असून दर नागपंचमीच्या दिवशी परिसरातील भाविक चिनोदा येथे दर्शनासाठी येत असतात.
तळोदा तालुक्यात फक्त चिनोदा येथे एकमेव पुरातन श्री नागेश्वर मंदिर असल्याने नागपंचमीच्या दिवशी सकाळी या नागेश्वर मंदिरात विधीवत पूजाअर्चा व दूधाचा अभिषेक तसेच दर्शनासाठी भाविकांची मोठी गर्दी दिसून येत असते. नागपंचमीच्या दिवशी सकाळी श्री नागेश्वर मंदिरावर ध्वज चढविण्यात येतो. त्यानंतर पूजन व आरती करून भाविकांना प्रसाद वाटप करण्यात येतो. नागपंचमी निमित्त दिवसभरातून चिनोदासह परिसरातून भाविक मोठ्या संख्येने दर्शनासाठी येत असतात.