नंदूरबार l प्रतिनिधी
श्री स्वामी समर्थ विद्यानिकेतन संचालित के . आर . पब्लिक स्कुल , ज्यु कॉलेज नंदुरबार येथे कारगिल विजय दिवस साजरा करण्यात आला .
कार्यक्रमांच्या सुरुवातीला ज्या महान सैनिकांनी आपल्या प्राणांची आहुती देऊन कारगिलचा परिसर हस्तगत करण्यात मदत केली अशा महान विभुतिना नम्र अभिवादन केले . त्यानंतर सिमेवर तैनात जवानांच्या परिवारातील सदस्यांचं स्वागत व सत्कार करण्यात आला .
शाळेतील विदयार्थ्यांनी विविध स्वातंत्र्य सेनानीच्या वेशात या विजय दिवसांवर आधारीत नाटय सादर केले . नृत्य गाणांतुन या महान विभुतीच्या कार्यावर प्रकाशज्योत टाकीत कार्यक्रम पार पाडत होते .
या सर्व विदयार्थ्यांना संस्थेचे चेअरमन किशोरीभाई वाणी , व्हाईस चेअरमन सिध्दार्थभाई वाणी यांनी कारगिल विजय दिवसाच्या शुभेच्छा दिल्या . या सर्व कार्यक्रमाचे मार्गदर्शक शाळेच्या प्राचार्या डॉ . छाया शर्मा यांनी सिमेवर लढणारे जवान आपल्या देशाचे आपले रक्षक करीत असतात . त्याच्या या कार्याला शत शत नमन करीत त्यांचे महत्व पटवून दिले व या दिवसाच्या शुभेच्छा हि दिल्या .