नंदुरबार l प्रतिनिधी
तालुक्यातील वाघाळे येथे प्रेम संबंध असल्याच्या संशयावरुन पतीने पत्नीवर व तिच्या प्रियकरावर चाकूने वार करुन जीवेठार मारण्याचा प्रयत्न केल्याने नंदुरबार तालुका पोलीस ठाण्यात गुन्हा दाखल करण्यात आला आहे.
याबाबत पोलीस सूत्रांनी दिलेल्या माहितीनुसार, नंदूरबार तालुक्यातील वाघाळे येथे एका ३२ वर्षीय तरुणाचे २९ वर्षीय विवाहित महिलेशी प्रेमसंबंध होते.
दोघे एकत्र असतांना विवाहित महिलेच्या पतीला आढळून आल्याने त्याने रागाच्याभरात पत्नीच्या हातावर व तरुणाच्या मानेवर व पोटावर धारदार चाकूने वार करुन जीवेठार मारण्याचा प्रयत्न केला. तसेच दोघांना जीवेठार मारण्याची धमकी दिली.
यात दोघे जण जखमी झाले आहेत.याबाबत जखमी तरुणाच्या वडीलांनी दिलेल्या फिर्यादीवरुन संशयिताविरोधात नंदुरबार तालुका पोलीस ठाण्यात भादंवि कलम ३२४,३२३,५०६ प्रमाणे गुन्हा दाखल करण्यात आला आहे.पुढील तपास पोलीस उपनिरीक्षक सुरेश सोनवणे करत आहेत.
