नंदुरबार l प्रतिनिधी
नंदुरबार ते प्रकाशा रस्त्यावर वाहनाने ट्रॅक्स वाहनाला धडक दिल्याने तिघांना दुखापत झाली असून याप्रकरणी वाहन चालकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, अमरसिंग मोतिसिंग रघुवंशी हे त्यांच्या ताब्यातील ट्रॅक्स वाहन (क्र.एम.पी. १० बीए ४३३५) घेवून नंदुरबार ते प्रकाशा रस्त्याने जात होते.
यावेळी एका चारचाकी पांढऱ्या रंगाच्या वाहनावरील चालकाने त्याच्या ताब्यातील वाहन (क्र.जी.जे. २६ एबी १८००) रस्त्याच्या परिस्थितीकडे दुर्लक्ष करुन भरधाव वेगात वाहन चालवून समशेरपूर कारखान्याजवळ ट्रॅक्स वाहनाला धडक दिल्याने अपघात घडला.
घडलेल्या अपघातात अमरसिंग मोतिसिंग रघुवंशी, गीता उदयसिंग रघुवंशी व हंसा राधेशाम रघुवंशी (तिघे रा.खरगोन, मध्यप्रदेश) यांना दुखापत झाली. तसेच वाहनाचेही नुकसान झाले.
याबाबत अमरसिंग रघुवंशी यांच्या फिर्यादीवरुन नंदुरबार तालुका पोलिस ठाण्यात चारचाकी वाहन चालकाविरोधात भादंवि कलम २७९, ३३७, ४२७, मोटार वाहन कायदा कलम १८४ प्रमाणे गुन्हा दाखल करण्यात आला आहेे. पुढील तपास पोना.गुलाबसिंग वसावे करीत आहेत.
