शहादा l प्रतिनिधी
येथील पूज्य साने गुरुजी विद्या प्रसारक मंडळाच्या डी.एन. पटेल अभियांत्रिकी महाविद्यालयात दि.1 जुलै रोजी वार्षिक स्नेह संमेलन ‘ पर्व ‘2022 चे आयोजन करण्यात आले.
तांत्रिक शिक्षणासोबतच विद्यार्थ्यांच्या विविध कलागुणांना वाव मिळावा या अनुषंगाने हा कार्यक्रम ठेवण्यात आला होता. यामध्ये सिव्हिल,काॅम्प्यूटर, मेकॅनिकल,इलेक्ट्रिकल, इन्स्ट्रूमेंटेमेशन, इलेक्ट्रॉनिक्स अँड टेलिकम्युनिकेशन या विविध विद्याशाखांच्या जवळपास 150 पेक्षा जास्त विद्यार्थ्यानी हिरीरीने सहभाग नोंदवला.
यात विद्यार्थ्यानी नृत्य, गाणी, वाद्य, नाटक, मिमिक्री तसेच रॅम्प शो इत्यादी कला प्रकारांचे तसेच भारतीय संस्कृतीचे दर्शन घडविले.या कार्यक्रमामुळे तब्बल अडीच वर्षांनंतर महाविद्यालय परिसरात उत्साहाचे वातावरण निर्माण झाले होते.
कार्यक्रमासाठी संस्थेचे अध्यक्ष दीपक पाटील, उपाध्यक्ष जगदीश पाटील,सचिव श्रीमती कमलताई पाटील, संस्थेचे शैक्षणिक समन्वयक प्रा. मकरंद पाटील, महाविद्यालयाचे प्राचार्य डॉ. एन. जे. पाटील तसेच अकॅडमिक डीन डॉ. डी.एम. पटेल यांचे मार्गदर्शन लाभले.
कार्यक्रमाच्या यशस्वीतेसाठी महाविद्यालयाच्या सांस्कृतीक मंडळाचे अध्यक्ष प्रा. प्रशांत पाटील, प्रा. मीनाक्षी चौधरी, प्रा. जयश्री पाटील, प्रा. धीरज शुक्ला, प्रा. मिलिंद पाटील, प्रा. उमेश पाटील, प्रा. योगेंद्र पाटील यांनी परिश्रम घेतले. तसेच अल्पोपहाराचे आयोजन प्रा. भरत पाटील व सहकाऱ्यांनी केले होते. तसेच कार्यक्रम पार पाडण्यासाठी विविध समितीच्या सदस्यांनी सहकार्य केले.
