नवापूर l प्रतिनिधी
राज्यस्तरीय एम.टी.एस. परीक्षेत नवापूर येथील चोखावाला शाळेतील विद्यार्थीनी कु.एलिना शेख नवापूर केंद्रात प्रथम आली आहे.
राज्यस्तरीय महाराष्ट्र टॅलेंट सर्च परीक्षा जळगांव यांच्या मार्फत दरवर्षी घेण्यात येते. या परीक्षेत विद्यार्थी फार उत्सुकतेने भाग घेतात व आपल्या बुद्धिमतेची किमया ही ह्या परीक्षेतून दाखवितात.
तर ह्या वर्षी झालेल्या एम.टी. एस. परीक्षेत दि नवापुर एज्युकेशन सोसायटी संचलित, श्रीमती एस.एम.चोखावाला लिटल एंजल्स अकॅडमी नवापूर ह्या शाळेतील एलिना जावेद शेख ह्या विद्यार्थीनीचा नवापूर केंद्रात प्रथम क्रमांक आल्याने संस्थेचे अध्यक्ष विपीनभाई चोखावाला व संस्थेचे संचालक मंडळ यांनी विद्यार्थीनीचे कौतुक केले.
तर संस्थेचे अध्यक्ष विपीनभाई चोखावाला व शाळेच्या प्राचार्या डॉ. सिमरन अमोल दिवटे यांच्या हस्ते प्रमाणपत्र व पारितोषिक देऊन गौरविण्यात आले . तसेच शाळेतील शिक्षक व शिक्षकेत्तर कर्मचारी यांनी कौतुक केले.