नंदुरबार | प्रतिनिधी
धडगांव तालुक्यातील गोरंबाजवळ बोलेरोवरील ताबा सुटून गाडी २०० फुट दरीत कोसळून एकजण ठार तर सात जण जखमी झाल्याची घटना घडली होती. याप्रकरणी एकाविरूध्द गुन्हा दाखल करण्यात आला आहे.
याबाबत पोलीस सुत्रांनी दिलेल्या माहितीनुसार, धडगांव तालुक्यातील गोरंबा पाटीलपाडा येथे वेलखेडीचा वाटलदिपाडा येथील तीव्र उतार्या कच्चा रस्त्यावर किरता कागडा राहसे यांनी त्याच्या ताबातील वाहन (क्र.एम.एच.२०-ई.जी. ८८४४) चालवत असतांना त्याच्या
ताबा सुटल्याने गाडी रस्त्याच्या डाव्या बाजूला खोल दरीत २०० फुटापर्यंत चार ते पाच पलटी खात पडली. या अपघतात मानसिंग बाबल्या वळवी (६०) रा.वेलखेडीचा वाटलडीपाडा ता.धडगांव यांच्या जागीच मृत्य झाला तर कांतीलाल मानसिंग वळवी, दाज्या गोमर्या वळवी,
शिवा जात्र्या वसावे, नारसिंग फुला वळवी, वावटी संध्या वसावे, सर्व रा. चेगलापाणी (ता.धडगांव) नारसिंग पोहल्या वसावे, किसन ओल्या वळवी रा.गोरंबाचा पाटीलपाडा (ता.धडगांव) यांना गंभीर दुखापत झाली. याप्रकरणी प्रवाशांच्या दुखापतीस कारणीभूत झाला म्हणून
अक्राणी पोलीस ठाण्यात कांतीलाल मानसिंग वळवी रा.वेलखेडीचा वाटलदीपाडा ता.धडगांव यांच्या फिर्यादीवरून किर्ता कागडा राहसे रा. गोरंबाचा पाटीलपाडा याच्या विरूध्द भादंवि कलम ३०४ (अ) २७९, ३३७, ३३८, ४२७ सह मोटरवाहन कायदा कलम १८४ प्रमाणे गुन्हा दाखल करण्यात आला आहे. याप्रकरणी पुढील तपास दिलीप महाजन करीत आहेत.
