नवापूर l प्रतिनिधी
नवापूर शहरातील श्री.साईसेवा होमीओपॅथीक क्लिनिक व के एच न्युरॉन हॉस्पीटल सुरत यांच्या संयुक्त विद्यमाने मोफत आरोग्य तपासणी शिबीर डॉ. आशुतोष वाडिले यांनी आयोजित केले होते.या मोफत आरोग्य तपासणी शिबिराचे उद्घाटन धन्वंतरी मुर्तीचे पुजन, दिपप्रज्वलन व फित कापून भाजपचे तालुका अध्यक्ष भरत गावीत,नगराध्यक्षा सौ.हेमलता पाटील यांच्या हस्ते करण्यात आले.
यावेळी तहसिलदार मंदार कुलकर्णी ,पोलिस निरीक्षक बाळासाहेब भापकर,डॉ नचिकेत नाईक,नगरसेवक महेंद्र दुसाने,तालुका आरोग्य अधिकारी डॉ.मनीषा वळवी,नवापूर डॉक्टर असोसिएशन अध्यक्ष डॉ.विशाल वळवी,डॉ प्रमोद वळवी,दैनिक पत्रकार संघाचे अध्यक्ष मंगेश वाणी,विभागीय साप्ताहिक पत्रकार संघाचे अध्यक्ष जयेंद्र चव्हाण,गुलाबचंद वाडिले,गोपाल पवार,ईश्वर वाडीले यावेळी उपस्थित होते.
यावेळी भाजपचे तालुका अध्यक्ष भरत गावीत म्हणाले कि, नवापूर तालुक्यात बरेच पेशंट सिकलसेल व ॲनेमियाचे आहेत.जास्त करुन आदिवासी भागात आहेत.हा विषय मी जिल्हापरिषद सभेमधे सुध्दा घेतला आहे.यासाठी विविध स्तरावर असे रक्तदान शिबिरे आयोजित करुन जिल्हा रुग्णालयात रक्त पेढीला रक्त उपलब्ध करुन देऊ जेणेकरून करुन आपल्याला कोणाचातरी जीव वाचविता येऊ शकतो.
यावेळी डॉ.हरीन मोदी,डॉ.प्रयत्न कुमार,डॉ. विशाल चौधरी,डॉ.शितल कुलकर्णी,डॉ. श्रेयस चौधरी,डॉ. विधी गुप्ता,डॉ.अमित मावची,डॉ.अजय कुंवर,डॉ. राहुल सोनवणे आदी उपस्थित होते.हे शिबिर यशस्वी करण्यासाठी डॉ.आशुतोष वाडीले,प्रा. डॉ. सुनिल पवार,किरण गावीत,
पाऊल कोकणी,निखील भट्टी, प्रमोद माळी,हुतात्मा युवा प्रतिष्ठाण,रुद्र गृप,अनुग्रह मेडीकल,आशिर्वाद लँब यांनी परीश्रम घेतले.यावेळी नवापूर तालुक्यातील असंख्य ग्रामस्थ यांनी शिबिरास्थळी गर्दी केली होती.या कार्यक्रमाचे सुत्रसंचलन व आभार प्रा डॉ.सुनिल पवार यांनी मानले.
