नंदुरबार ! प्रतिनिधी
केंद्रीय मंत्री डॉ भारती पवार यांची जनआशिर्वाद यात्रा जिल्ह्यात येणार आहे . या पार्श्वभूमीवर जिल्हा भाजपकडून तयारी करण्यात आली असून दि. १८ ऑगस्ट रोजी जिल्ह्यात येणारी ही यात्रा तीन दिवस सुरु राहणार असल्याची माहिती भाजपचे जिल्हाध्यक्ष विजय चौधरी यांनी दिली
.यात्रेची माहिती देण्यासाठी आयोजित पत्रकार परिषदेत ते बोलत होते . यावेळी ते म्हणाले की , जनतेत राहून त्यांच्या समस्या जाणून घेण्यासाठी केंद्रीय अध्यक्ष जे.पी. नड्डा यांच्या नेतृत्त्वात ही यात्रा होत आहे .१८ रोजी नंदुरबार तालुक्यातील आष्टे येथून या यात्रेचे स्वागत होईल . तीन दिवस ही यात्रा सुरु राहणार असून या दरम्यान केंद्रीय मंत्री डॉ . पवार ह्या कोवीड सेंटरला भेट , प्रधानमंत्री आरोग्य योजना लाभार्थीसोबत चर्चा , तळोदा शहरात महिला मेळावा आदी कार्यक्रमात सहभागी होतील . यावेळी आदिवासी मोर्चाचे प्रदेश उपाध्यक्ष नागेश पाडवी , लक्ष्मण वसावे , सरचिटणीस निलेश माळी उपस्थित होते .
