नंदुरबार l प्रतिनिधी
अंकलेश्वर-बऱ्हाणपूर महामार्गावर दुचाकीने धडक दिल्याने अनोळखी इसम ठार झाल्याची घटना घडली.
याबाबत पोलिस सूत्रांनी दिलेल्या माहितीनूसार, अक्कलकुवा तालुक्यातील अंकलेश्वर-बऱ्हाणपूर महामार्गावर एका अज्ञात दुचाकी चालकाने त्याच्या ताब्यातील दुचाकी भरधाव वेगात चालवून एका ५७ वर्षीय अनोळखी इसमाला धडक दिल्याने अनोळखी इसम ठार झाला.
अपघातानंतर दुचाकी चालक घटनास्थळावरुन पसार झाला. याबाबत अशोक हरी वळवी यांच्या फिर्यादीवरुन अक्कलकुवा पोलिस ठाण्यात अज्ञात दुचाकी चालकाविरोधात भादंवि कलम ३०४ (अ), २७९, ३३७, ३३८, १३४, १७७, १८४ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीीक मनोहर कोळी करीत आहेत.
