नंदुरबार l प्रतिनिधी
शहादा तालुक्यातील उंटावद येथील प्रभूदत्त नगरातून अल्पवयीन मुलीस पळवून नेल्याप्रकरणी संशयिताविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, शहादा तालुक्यातील उंटावद येथील प्रभूदत्त नगरातील एका १२ वर्षीय मुलीला संशयित हेमंत उर्फ गोलू रमण ठाकरे (रा.उंटावद ता.शहादा) याने पळवून नेले.
याबाबत मुलीच्या वडीलांनी शहादा पोलिस ठाण्यात दिलेल्या फिर्यादीवरुन संशयित गोलू ठाकरे याच्याविरोधात भादंवि कलम ३६३ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक जितेंद्र महाजन करीत आहेत.