नंदूरबार l प्रतिनिधी
गुजरात राज्यातील प्रसिद्ध असलेल्या कष्टभंजन हनुमानाच्या दर्शनासाठी साळंगपुर येथे गेलेल्या तळोदा येथील महिलेच्या अंगावर बांधकामाची कमान कोसळून तिचा जागीच मृत्यू झाल्याची घटना घडली .
याबाबत अधिक माहिती अशी की , येथील सिमा अनिल सूर्यवंशी ( वय ४० ) या आज गुजरात राज्यातील प्रसिद्ध असलेल्या कष्टभंजन हनुमानाच्या दर्शनासाठी साळंगपुर येथे येथे गेले होते .
संध्याकाळच्या वेळी जोरदार पाऊस सुरु झाला . त्यामुळे स्वरक्षणासाठी त्या बांधकाम सुरू असलेल्या कमानीखाली उभ्या राहिल्या . मात्र , पावसाचा जोर वाढल्याने कमान कोसळून त्याखाली दबल्या गेल्याने सिमा अनिल सूर्यवंशी यांचा जागीच मृत्यू झाला .
त्यांना उपचारासाठी शेजारील बोथाट येथील रूग्णालयात दाखल करण्यात आले . मोलगी येथील माध्यमिक शिक्षक अनिल दौलत सूर्यवंशी यांच्या त्या पत्नी होत्या.