नंदुरबार l प्रतिनिधी
शहादा तालुक्यातील लोंढरे येथे जागेच्या पैशांच्या देवाण-घेवाणीवरुन वाद झाला. या वादातून पती-पत्नीसह मुलाला मारहाण केल्याप्रकरणी १२ जणांविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, शहादा तालुक्यातील लोंढरे येथील उत्तम नथ्थू सुर्यवंशी व सावळीराम नथ्थू सुर्यवंशी यांच्यात जागेच्या पैशांच्या देवाण-घेवाणीवरुन वाद झाला. या वादातून उत्तम सुर्यवंशी व त्यांचा मुलगा अनिल उत्तम सुर्यवंशी यांना
विजय सावळीराम सुर्यवंशी, रमेश सावळीराम सुर्यवंशी, सागर सोमा सोनवणे, सजन सोमा सोनवणे व किरण भगवान वडर यांनी लाठ्याकाठ्यांनी मारहाण केली. यात उत्तम सुर्यवंशी व त्यांचा मुलगा अनिल सुर्यवंशी यांच्या डोक्याला दुखापत झाली.
तसेच उत्तम सुर्यवंशी यांच्या पत्नीला कमलबाई साळीराम सुर्यवंशी, भिकूबाई सोमा सोनवणे, भागूबाई भगवान वडर, भोगाबाई अशोक वडर, रेखाबाई मंगेश वडर व लक्ष्मीबाई सोमा वडर यांनी हाताबुक्यांनी मारहाण केली.
तसेच शिवीगाळ करीत जिवेठार मारण्याची धमकी दिली. याबाबत उत्तम सुर्यवंशी यांच्या फिर्यादीवरुन शहादा पोलिस ठाण्यात १२ जणांविरोधात भादंवि कलम ३२४, ३२३, ५०४, ५०६, १४३, १४७, १४९ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक जितेंद्र महाजन करीत आहेत.
