नंदुरबार l प्रतिनिधी
शहरातील डी.एस.के.मार्केटच्या परिसरातून अज्ञाताने दुचाकी लंपास केली.
याबाबत पोलीस सूत्रांनी दिलेल्या माहितीनुसार, नंदुरबार येथील सिंधी कॉलनीतील रहिवासी जितेंद्र किसनचंद गेहाणी यांची दुचाकी डी.एस.के.मार्केट परिसरात उभी केली होती.
अज्ञाताने संधी साधून सदरची दुचाकी चोरुन नेली.याबाबत जितेंद्र गेहाणी यांच्या फिर्यादीवरुन नंदुरबार शहर पोलीस ठाण्यात भादंवि कलम ३७९ प्रमाणे गुन्हा दाखल करण्यात आला आहे.पुढील तपास पोहेकॉ.मंगलसिंग कोकणी करत आहेत.
