नंदुरबार l प्रतिनिधी
प्रहार शेतकरी संघटनेचे नंदुरबार जिल्हाध्यक्ष बिपीन चंद्रकांत पाटील यांनी आपल्या पदाचा राजीनामा दिला आहे. तसे लेखी राजीनामा पत्र प्रहार शेतकरी संघटनेचे प्रदेशाध्यक्ष मंगेश देशमुख यांना दिले आहे.
राजीनामा पत्रात पुढे म्हटले आहे की, गेल्या तीन वर्षापासून आपण मला प्रहार शेतकरी संघटनेच्या जिल्हाध्यक्षपदाची जबाबदारी सोपविली होती. त्याबद्दल मी आपला आभारी असून गेल्या तीन वर्षात प्रहार पक्ष व प्रहार शेतकरी संघटना नंदुरबार जिल्ह्यात वाढविण्याचा मी पुरेपूर प्रयत्न केला आहे. परंतू पक्षश्रेष्ठींची संघटना वाढविणे व मजबुती करण्याबाबतीत उदासिनतेचे धोरण दिसून येत आहे. त्यातच जनता व शेतकर्यांसमोर जाण्यासाठी पक्षाचे कुठलेही धोरण दिसून येत नाही. वरिष्ठ पातळीवरुन उत्तर महाराष्ट्रातील संघटनकडे दुर्लक्ष होत आहे. त्यामुळे मी माझ्या नंदुरबार जिल्हाध्यक्षपदाचा राजीनामा देत आहे. तरी राजीनामा स्वीकारुन सहकार्य करावे, असे राजीनामा पत्रात नमुद केले आहे.