लोकसेवकास खोटी माहिती दिल्याने एकाविरुद्ध गुन्हा दाखल

नंदुरबार l प्रतिनिधी
शहादा येथे ११२ क्रमांक डायल करुन खोटी माहिती दिल्याप्रकरणी एकाविरुद्ध गुन्हा दाखल करण्यात आला आहे.

याबाबत पोलिस सूत्रांनी दिलेल्या माहितीनूसार, शहादा तालुक्यातील वडछील येथील विलास बहाद्दूर तडवी याने शहादा खरेदी विक्री मार्केटमधून शासकीय सुविधा डायल ११२ क्रमांक डायल करुन नंदुरबार नियंत्रण कक्षात संदेश पाठवून खोटी माहिती दिली.

याबाबत पोशि.अनिल पावरा यांच्या फिर्यादीवरुन शहादा पोलिस ठाण्यात विलास तडवी याच्याविरोधात भादंवि कलम १८२ प्रमाणे गुन्हा दाखल करण्यात आला आहे. पुढील तपास पोहेकॉ.संजय ठाकूर करीत आहेत.