नवापूर l प्रतिनिधी
महिला व बालविकास विभाग जिल्हा परिषद नंदुरबार अंतर्गत डॉ.बाबासाहेब प्रतिष्ठान नंदुरबार मार्फत कला वाणिज्य विज्ञान महाविद्यालय येथील स्व प्रताप केशव पाटील चर्चासञ भवन येथे अंगणवाडी सेविका मदतनीस व पर्यवेक्षिका यांना प्रशिक्षण सञ २०२१-२२ आयोजित करण्यात आले होते.
कार्यक्रमाची सुरुवात देवमोगरा माता व साविञीबाई फुले यांच्या प्रतिमेला पुष्पहार अर्पन व दिप प्रज्वलन नवापूर तालुक्याचे आमदार शिरीषकुमार नाईक,यांच्या हस्ते करण्यात आले
यावेळी बालविकास प्रकल्प अधिकारी संजय कोंढार,माजी जि प सदस्य रमेश ठाकुर,बाबासाहेब प्रतिष्ठान अध्यक्ष सुनिल रामोशी,कॉग्रेस कमिटीचे सहसचिव प्रा हर्षल गावीत ,बीट पर्यवेशिका आदी उपस्थित होते.
यावेळी उपस्थित मान्यवराचा सत्कार बाल विकास प्रकल्प अधिकारी संजय कोंढार यांनी केला. यावेळी आमदार शिरीषकुमार नाईक म्हणाले की नवापूर तालुक्यातील अंगणवाडी सेविका व मदतनीस यांचे काम कौतुकास्पद आहे.अंगणवाडी सेविका या एकात्मीक बालविकास सेवा योजनेचा अंतर्गत सर्व सेवा आपल्या लाभार्थ्यां पर्यत अतिशय चांगल्या प्रकारे देण्यात येत आहे.त्यामुळे तालुक्यातील पोषणाचा दर्जा सुधारला आहे.
तसेच अंगणवाडी सेविका यांनी बालविवाह चे प्रमाण कमी करण्यासाठी समाजा मध्ये जनजागृती करणे आवश्यक आहे.बालविवाह मुळे कृपोषण व आरोग्याचा समस्या निर्माण होत आहे.बालकांच्या योग्य पोषणासाठी स्तनपानाचे महत्व नमुद केले.तसेच कोरोना कालावधीत सर्व अंगणवाडी ताईनी केलेल्या कामाचे कौतुक केले.
तसेच नवापूर तालुक्यात बालविकास प्रकल्प अधिकारी संजय कोंढार यांचे काम कौतुकास्पद आहे.
या नंतर बालविकास प्रकल्प अधिकारी संजय कोंढार म्हणाले की, नवापूर तालुक्यात गेल्या ३ वर्षात विविध योजनांची पुर्तता करुन कुपोषणाचे प्रमाण कमी करणात यश आले आहे.असे सांगितले .
या कार्यक्रमाचे सुञसंचलन पर्यवेशिका वैशाली पाटील यांनी केले.तर आभार पौर्णिमा कर्डक यांनी मानले तर कार्यक्रम यशस्वी करण्यासाठी विस्तार अधिकारी नरेश कोळी, शांताबाई कोकणी,सिमा मुळतकर यांनी परीश्रम घेतले.