नंदुरबार | प्रतिनिधी
नवापूर तालुक्यातील निजामपूर येथील महिलेचा खून करून तिचा मृतदेह गोणपाटात भरुनशिवारातील एका शेतात नाल्याच्या जवळ फेकून दिल्याची घटना घडली आहे. याप्रकरणी अज्ञाताविरूध्द विसरवाडी पोलिसांत खुनाचा गुन्हा दाखल करण्यात आला आहे.
याबाबत पोलिस सुत्रांनी दिलेल्या माहितीनुसार , निजामपूर ता.नवापूर येथील साकुबाई सुपड्या वळवी (६५) या महिलेचा अज्ञात इसमाने खून करुन पुरावा नष्ट करण्यासाठी तिचा मृतदेह गोणपाटात भरुन निजामपूर शिवारातील जामन्या नाल्याजवळ फेकून दिला.
सदर घटना १८ मे रोजी रात्री अकरा वाजेपूर्वी घडली. याप्रकरणी पोलिस उपनिरीक्षक भुषण बैसाणे यांनी दिलेल्या फिर्यादीवरून विसरवाडी पोलिसांत अज्ञाताविरूध्द खुनाचा गुन्हा दाखल करण्यात आला आहे.याप्रकरणी पुढील तपास सपोनि नितीन पाटील करीत आहेत.