नंदुरबार | प्रतिनिधी
गेल्या दोन दिवसांपासुन जिल्ह्यात तापमान घट झाली असून दि.१३ मे रोजी नंदुरबारात ४०.४ अंश सेल्सिअस इतक्या तापमानाची नोंद करण्यात आली आहे.अशी माहिती कृषी विज्ञान केंद्राच्या हवामान केंद्रातर्फे स्पष्ट करण्यात आले आहे.
नंदुरबार जिल्ह्यात यावर्षी मार्चपासूनच तापमानाचा पारा चाळीशी पार झाला आहे. दि. २८ एप्रिल रोजी तब्बल ४५.२ अंश सेल्सिअस तापमानाची नोंद झाली होती.त्यानंतर तापमान घसरत ४० अंश सेल्सिअस पर्यंत घसरले मात्र चार दिवसांपासून तापमानात वाढ झालेली दिसून आली असून दि.१० मे रोजी ४५.८ अंश सेल्सिअस इतक्या तापमानाची नोंद करण्यात आली होती.दरम्यान तीन दिवसात तापमानात कमालीची घट झालेली दिसून आली. काल दि.१२ मे रोजी नंदुरबारात ४०.४ अंश सेल्सिअस इतक्या तापमानाची नोंद करण्यात आली आहे.दोन दिवसात ५ अंश सेल्सिअस तापमान घटले आहे .दरम्यान कमाल तापमान नोंद आज हवेचा वेग सरासरी २२ ते २४ किमी प्रति तास आहे. पुढील दोन ते तीन दिवस हवेचा वेग सरासरी २० ते २५ पर्यत राहण्याचा अंदाज आहे. कोळदा कृषी विज्ञान केंद्राचे कृषी हवामान शास्त्रज्ञ सचिन फड यांनी सांगितले.
