नंदुरबार l प्रतिनिधी
येथे बालरंगभूमी परिषद नंदुरबार जिल्हा शाखा यांच्यावतीने दि.१६ ते २५ मे २०२२ दरम्यान बालनाट्य प्रशिक्षण शिबिराचे आयोजन करण्यात आले आहे.
बालनाट्य प्रशिक्षण शिबिराच्या आयोजनासाठी नंदुरबार जिल्हा बालरंगभूमी परिषदेची बैठक संपन्न झाली. या बैठकीच्या अध्यक्षस्थानी नाट्यकर्मी मनोज सोनार हे होते. या बैठकीदरम्यान नाट्यकर्मी रवीदा जोशी, नागसेन पेंढारकर, रवींद्र कुलकर्णी आदींनी आपले विचार मांडले. या बैठकीत बालरंगभूमी परिषद नंदुरबार जिल्हा शाखा व गाडगेबाबा शैक्षणिक व सांस्कृतिक सेवा मंडळ यांच्या संयुक्त विद्यमाने नंदुरबार येथे दिनांक १६ ते २५ मे २०२२ दरम्यान शहरातील चिंतामणी एज्युकेशन सोसायटीचे राजे शिवाजी माध्यमिक विद्यालय येथे जिल्ह्यातील बालकलावंतासाठी नाट्य प्रशिक्षण शिबिराचे आयोजन करण्यात येणार असल्याचे ठरविण्यात आले.
या नाट्य प्रशिक्षण शिबिरात वय वर्ष ८ ते १६ वयोगटातील विद्यार्थ्यांचा सहभाग असणार असून सदर नाट्य प्रशिक्षण शिबीरात ४० बालकलावंतांना सहभाग मिळणार आहे. या नाट्यप्रशिक्षण आधारे नंदुरबार जिल्ह्यातील बाल कलावंतांना नाट्य अभिनयासोबत नाटकातील विविध अंगांची ओळख होणार आहे. या बैठकीत राजेश जाधव, राहुल खेडकर, आशिष खैरनार, चिदानंद तांबोळी, सागर कदम आदी उपस्थित होते. या नाट्य प्रशिक्षणासाठी या बालनाट्य प्रशिक्षणात सहभागी होण्यासाठी सातशे रुपये स्वागतमूल्य आकारण्यात येणार असून नाट्य प्रशिक्षणाच्या अधिक माहितीसाठी नागसेन पेंढारकर ९९२३१२९७८२, राहुल खेडकर (९४२२७८७३३५), संतोष पाटील (९५५२२२२७७७), तुषार ठाकरे (९४०३१२३४७८), राजेश जाधव (९९२२०३३५११) यांच्याशी संपर्क साधावा व बालकलावंतांनी लवकरात लवकर बालनाट्य प्रशिक्षणात सहभागी व्हावे असे आवाहन बाल रंगभूमी परिषदेतर्फे करण्यात आले आहे.
