नवापूर येथे भीषण अपघात दोन जण गंभीर जखमी

नवापूर l प्रतिनिधी
नवापूर शहरालगत नेहरू उद्यानाच्या पाठीमागे राष्ट्रीय महामार्ग क्र 6 वरील वळण रस्त्यावर भीषण अपघात झाला आहे. त्यात दोन इसम गंभीर जखमी झाल्याची माहिती प्राप्त झाली आहे.
अनेक निर्दोष लोकांचा बळी घेणाऱ्या ह्या वळण रस्त्यावर राष्ट्रीय महामार्गा कडून उपाय योजना केल्या जात नाही. वाहन धारकांना वळण रस्ता लक्षात येत नसल्याने वारंवार अपघात होत आहेत
दि 9 मे रोजी रात्री 9 वाजेच्या सुमारास सुरत कडून पिंपळनेरकडे जाणाऱ्या बोलेरो चार चाकी वाहन रस्त्याच्या कडेला असलेल्या दुभाजकाला धकडल्याने मोठा अपघात झाला.अपघातात पिंपळनेर येथील मीनल चव्हाण व चैतन्य असे दोन इसम गंभीर जखमी झाले.एकाचा पायाला तर दुसऱ्याचा डोक्याला दुखापत झाली होती.
घटनेच्या काही अंतरावर असलेल्या बाबा रामदेव हॉटेलचे संचालक सजन राजपुरोहित व शिवसेनेचे पदाधिकारी मनोज बोरसे, आबा मोरे,दर्शन पाटील, अजय सैन,भूषण सांगळे, सलिम मंसुरी, डॅनियल वसावे आदींनी जखमींना आपल्या वाहनातून उपजिल्हा रुग्णालयात दाखल केले.
रुग्णालयात प्राथमिक उपचार करण्यात आले. तरुणांनी जखमींना वेळीच रुग्णालयात नेल्याने त्यांनी जखमींना जीवदान मिळाले.या घटनेचा तपास पोलिस निरीक्षक बाळासाहेब भापकर यांच्या मार्गदर्शनाखाली असई जगदीश सोनवणे करीत आहे.