नंदुरबार l प्रतिनिधी
नंदूरबार शहरातील गणपती मंदिर परिसरात असलेले दुकान फोडून चोरट्यांनी ३० हजार रुपये किंमतीची रोकड चोरुन नेल्याची घटना घडली होती.दरम्यान गुन्ह्यातील संशयित आरोपीला पोलिसांनी अटक केली असून तो हद्दपार असताना चक्क शहरात प्रवेश करून त्याने चोरी केली.
याबाबत पोलिस सूत्रांनी दिलेल्या माहितीनूसार, नंदुरबार येथील हितेश अशोक जैन यांचे गणपती मंदिर परिसरात किराणा दुकान आहे. सदर बंद दुकानाचे कडीकोंडा तोडून चोरट्यांनी आत प्रवेश केला. दुकानात असलेल्या लोखंडी कपाटातून ३० हजार रुपये किंमतीची रोकड चोरुन नेली. याबाबत हितेश जैन रा.वैशाली नगर,एम. एल.टाऊन, नंदूरबार यांच्या फिर्यादीवरुन नंदुरबार शहर पोलिस ठाण्यात अज्ञाताविरोधात भादंवि कलम ४५७, ३८ प्रमाणे गुन्हा दाखल करण्यात आला होता. याबाबत
प्रभारी पोलीस अधीक्षक गौरव सिंह , अपर पोलीस अधीक्षक , विजय पवार, उपविभागीय पोलिस अधिकारी सचिन हिरे, स्थानिक गुन्हे शाखेचे पोलीस निरीक्षक रविंद्र कळमकर , शहर पोलिस ठाण्याचे पोलीस निरीक्षक किरणकुमार खेडकर यांच्या मार्गदर्शनाखाली सहाय्यक पोलिस निरीक्षक हेमंत मोहिते यांनी या चोरीचा उलगडा केला असून
याप्रकरणी संतोष दिलीप तीजविज रा. बाहेरपुरा, नंदूरबार या संशयित आरोपीला अटक केली असून
संतोष दिलीप तिजविज याला हद्दपार केले असताना त्याने अनधिकृत नंदूरबार शहरात प्रवेश करीत चोरी केली,त्याच्या ताब्यातून 13 हजार 320 हजार रुपये रोख जप्त करण्यात आले.याप्रकरणी पुढील तपास सहाय्यक पोलिस निरीक्षक हेमंत मोहिते करीत आहेत.
