नंदुरबार l प्रतिनिधी
१ मे महाराष्ट्र दिन तसेच जागतिक कामगार दिनानिमित्त येथील युवा फाऊंडेशनतर्फे तहसिल कार्यालय सभागृहात नंदुरबार शहरातील वृत्तपत्र विक्रेत्यांचा सन्मान करण्यात आला.
यावेळी कार्यक्रमास अध्यक्ष म्हणून तहसिलदार भाऊसाहेब थोरात हे होते. तर प्रमुख अतिथी उपनगर पोलीस ठाण्याचे पोलीस निरीक्षक नरेंद्र भदाणे हे होते. तसेच नंदुरबार शहर वृत्तपत्र विक्रेता संघटनेचे अध्यक्ष किशोर कांतीलाल देसाई, उपाध्यक्ष नासीर खान समद खान, सचिव राजेश शिवाजी काशिद, ज्येष्ठ वृत्तपत्र विक्रेता क्ष्मण मुरलीधर वाणी, म.रा.वृत्तपत्र विक्रेता संघटना कार्यकारी सदस्य तसेच नंदुरबार शहर वृत्तपत्र संघटनेचे सल्लागार उमेशचंद्र रमणलाल वाणी उपस्थित होते. यावेळी युवारंग फाउंडेशनतर्फे मान्यवरांच्या हस्ते एकुण ४२ पेपर विक्रेत्यांचा सन्मानपत्र देवून सन्मान करण्यात आला. तहसिलदार भाऊसाहेब थोरात म्हणाले की, तुम्ही टाकलेला पेपर आम्ही वाचतो, पण तो पेपर आमच्यापर्यंत पोहोचविण्यामागे तुमचा चेहरा आहे व आज त्या चेहर्‍यांचा युवारंग फाउंडेशच्या माध्यमातून झालेला सन्मान खुपच स्तुत्य आहे. जेष्ठ पेपर विक्रेता उमेशचंद्र वाणी म्हणाले की, गेल्या अनेक वर्षापासून आम्ही पेपर टाकत आहोत, पण आजपर्यंत आमचा सन्मान कोणी केला नाही. युवारंग फाउंडेशनने आज आमचा सन्मान केला, त्याबद्दल आम्ही सदैव त्यांचे ऋणी राहू. कार्यक्रमाचे सूत्रसंचालन राहुल शिंदे यांनी केले तर प्रस्तावना जितेंद्र लुळे यांनी मांडली. कार्यक्रम यशस्वीतेसाठी युवारंग फाऊंडेशनचे उपाध्यक्ष देवेंद्र कासार, प्रणव पवार, ऋषिकेश मंडलिक, भावेश मंडलिक, हर्षल मिस्तरी यांनी परिश्रम घेतले.
