पुष्पा सारखी तस्करी करीत गोणीखाली लपवून करीत होता सागवानी लाकडाची तस्करी,सात लाखाच्या मुद्देमालासह एकाला अटक

नवापूर l प्रतिनिधी
विसरवाडी जवळ कांद्याच्या गोणीखाली दडवलेल्या सागवानी लाकडाची तस्करी वन विभागाने उघड केली असून सात लाखाच्या मुद्देमालासह या प्रकरणी एकाविरुद्ध गुन्हा दाखल अटक करण्यात आली आहे
याबाबत अधिक .अहिती अशी की, वन विभागाला महामार्गावरून आला. सागवानी लाकूड तस्करी होत.असल्याची गुप्त माहिती मिळाल्याने वन विभागाने सापळा रचत कारवाई केली. या कारवाईत सागवान व सिसम जातीचा लाकूडसाठा होता. वाहनात (क्र. एम. एच. ३९सी ९९२८) वरच्या बाजूने कांद्याच्या गोण्या होत्या तर त्याखाली लाकूड होते. त्यात सिसम चौपट ६० नग व साग चौपट सहा नग असे एकूण ६६ नग मिळून आले. वाहन चालक दावीद शिवा गावीत रा. करंजी खुर्द, कीलवणपाडा यास ताब्यात घेतले आहे. लाकडाची एकूण अंदाजित किंमत चार लाख रुपये व वाहनाची अंदाजित किंमत तीन लाख रुपये असा एकूण सात लाखांचा मुद्देमाल जप्त करण्यात ही कारवाई साहाय्यक वनसंरक्षक धनंजय पवार, वनक्षेत्रपाल स्नेहल अवसरमल वनक्षेत्रपाल शिवाजी रत्नपारखे, वनपाल के म. बडूरे, वनरक्षक संजय बडगुजर, आशुतोष पावरा, अनिल वळवी, रामदास पावरा, कल्पेश अहिरे, कमलेश वसावे, तुषार नांद्रे आदींनी केली.