नंदुरबार l प्रतिनिधी
एकात्मिक बालविकास सेवा योजना प्रकल्प नंदुरबार अंतर्गत अंगणवाडी सेविका व मदतनीस या मानधनी संभाव्य रिक्त पदासाठी होत असलेल्या जागासाठी संबंधित महसुली गावातील इच्छूक व पात्र महिला उमेदवारांकडून 30 एप्रिल 2022 पर्यंत अर्ज मागविण्यात आले आहेत.
गुजरजांभोली अंगणवाडी केंद्रातील 1 अंगणवाडी सेविका रिक्त पदासाठी तर श्रीरामपूर येथील अंगणवाडी केंद्रातील 1 मदतनीस अशा एकूण 2 रिक्तपदासाठी अर्ज मागविण्यात येत आहे.
अंगणवाडी सेविका व मदतनीस या मानधनी पदासाठी केवळ त्या गावातील रहिवासी असणे आवश्यक आहे. विहीत नमुन्यातील अर्ज व शैक्षणिक पात्रता व इतर माहितीसाठी कार्यालयीन वेळेत बालविकास प्रकल्प अधिकारी, एकात्मिक बालविकास सेवा योजना प्रकल्प, नंदुरबार येथे संपर्क साधावा.
