तळोदा l प्रतिनिधी
तालुक्यातील बहुरूपा शिवारात १० दिवसाचे बिबट्याचे बछडे शुक्रवारी आढळले होते. दरम्यान वनविभागाने त्यास ट्रॅप कॅमेरे लावून त्याच शेतात ठेवण्याचा निर्णय घेतला होता. मात्र ५ दिवस उलटूनही मादी बछडयास घेवून न गेल्यामुळे अखेर त्या बछडयास गुजरात वनविभागाने ताब्यात घेतले असून त्यास सुरत येथील उद्यानात ठेवले जाणार असल्याची माहिती यावेळी वनविभागाच्या कर्मचाऱ्यांनी दिले.
तळोदा शहरापासून हाकेच्या अंतरावर असलेला गुजरात राज्यातील बहुरुपा येथील शेत शिवारात गिरधर पटेल यांच्या शेतात शुक्रवारी भर दिवसा दुपारी ३ वाजेच्या सुमारास बिबट्याचे १० दिवसाचे बछडे मुक्त संचार करताना शेतमालक याना दिसून आले होते. त्यांनी याबाबतची माहिती लागलीच वनविभागाला कळविली होती. गुजरात व तळोदा येथील वनविभागाचे कर्मचारी व मानव वनजिव रक्षकचे सागर निकुंभ दिनेश कोळी, हेमंत चौधरी, या कर्मचाऱ्यानी परिस्थीती जाणून घेतली होती. त्या अनुषंगाने रात्रीची सुमारास मादी बिबट येवून त्या बछड्यास घेवून जाईल या आशेवर गुजरात व महाराष्ट्राचे वनविभागाने सयुक्तिकपणे ट्रॅप कॅमेरे लावून रात्री गस्त घालून बछड्यास सुरक्षितपणे मादीला देण्यासाठी मागील चार दिवसांपासून प्रयत्न सुरू होते. मात्र सदर पिलास मादी बिबट घेऊन न गेल्यामुळे मोठा प्रश्न वन विभागा समोर उभा राहिला.
याबाबत अधिक माहिती घेतली असता गुजरात वन विभागा च्या माध्यमातून सदर बिबट्या पिल्लू ची नियमितपणे वैद्यकीय तपासणी पशुवैद्यकीय अधिकारी सोनगड यांच्यामार्फत करण्यात येत असून सदर बिबट्याचे पिल्लू सुदुरुढ असल्याचे समजते मात्र पुढील आणखी एक ते दोन दिवस बिबट्याचे पिल्लू आईजवळ सुरक्षित कसे जाईल यासाठी गुजरात वन विभाग महाराष्ट्र वन विभागाच्या मदतीने प्रयत्न होणार आहेत. तसे न झाल्यास सदर बिबट्या पिलास सुरत या ठिकाणी पार्कमध्ये नेण्याचा निर्णय घेण्यात येण्याची माहिती गुजरात वनविभागाकडून देण्यात आली.
गुजरात व महाराष्ट्र सीमा लगत असल्याने नेमका बिबट्या कुठला ?
तळोदा वन क्षेत्राला लागून गुजरात वनक्षेत्र हद्द असल्याने अनेकदा हा प्रश्न गुंतागुंतीच्या होत असतो दोन वर्षापूर्वी धानोरा या ठिकाणी गुजरात हद्दीत अशाच पद्धतीने बिबट्याचे दोन पिलं आढळून आली होती याबाबत अनेक प्रयत्न करून देखील मादी बचड्यास घेवून न गेल्यामुळे तिसऱ्या दिवशी अखेर मादी या दोघा पिल्लांना घेऊन जाण्यास यशस्वी ठरली होती. यावेळी देखील गुजरात वन विभागाने बिबट्याच्या पिल्लास आपल्या आई पर्यंत सुरक्षित पोचवण्यात महाराष्ट्र वन विभागाच्या मदतीने यश मिळवले होते. तळोदा शहर हे गुजरात हद्दीलगत असून वनक्षेत्र हेदेखील गुजरात हद्दीला लागून आहे. शहराच्या उत्तरेला व दक्षिणेला गुजरात राज्याच्या सीमा असून तळोद्यातील शेतकऱ्यांची शेती ही गुजरात हद्दीत आहे. वेळोवेळी व तत्सम पशु या भागात गुजरात व महाराष्ट्राचां सिमे लगत फिरत असतात अनेकदा त्यांच्यामध्ये या विषयावरून शाब्दिक वाद देखील होतात. मात्र यावेळी अधिकाऱ्यांच्या समजदार पणा मुळे बिबट्याच्या पिल्याला वाचवण्यासाठी गुजरात व महाराष्ट्र वन विभाग संयुक्तपणे कारवाई करत असताना सदर बछड्यास मादी भेटते का ? याकडे वन्यजीवप्रेमींचं लक्ष लागून आहे. वन्य जीव प्राण्यांबाबत कडक नियमावली असल्याने वन्य जीव आढळून आल्यास त्याची नेमकं स्थान कुठ आहे याची माहिती द्यावी लागते.
