म्हसावद l प्रतिनिधी
शहादा आगारात कार्यशाळा परिसरात सक्षम 2022 इंधन बचत मासिक कार्यक्रम साजरा करण्यात आला.
सदर कार्यक्रमाचे प्रमुख पाहुणे म्हणून आय. टी. आय चे शिवनाथ खेडकर हे होते. शिवनाथ खेडकर यांनी कर्मचाऱ्यांना इंधन बचत कशी करावी? कशा पद्धतीने आपल्या लहान-लहान कार्याने इंधन बचत केल्याने इंधनाची मोठी बचत आपण करू शकतो.आज इंधन बचत आवश्यक आहे. हे सविस्तर कथन केले. कार्यक्रमाला आगार व्यवस्थापक योगेश लिंगायत कार्यक्रमाचे अध्यक्षस्थानी होते. प्रा.रवींद्र पंड्या, प्रा. दत्ता वाघ, प्रा. ज्ञानी कुलकर्णी हे प्रमुख म्हणून कार्यक्रमास उपस्थित होते.शरफोदीन शेख कार्यशाळा प्रमुख यांनी प्रमुख पाहुण्यांचे गुलाब पुष्प देऊन स्वागत केले. कार्यक्रमाचे सूत्रसंचालन व आभार प्रदर्शन वरिष्ठ लिपिक विलास पाटील यांनी केले. कार्यक्रम यशस्वी होण्यासाठी वरिष्ठ लिपिक शरीफ पिंजारी, सतीश चव्हाण, सुनील सप्रे, आरती जोशी, जागृती राठोड,योगेश धनगर यांनी परिश्रम घेतले.
