तळोदा l प्रतिनिधी
अक्कलकुवा पोलिस उपविभागाचे पोलीस उपअधीक्षक संभाजी सावंत याना ‘पोलिस राष्ट्रपती पदक’ मिळाल्याबद्दल राष्ट्रवादी पक्षाच्या शहर अध्यक्ष व कार्यकर्त्यांकडून त्यांचा सत्कार करण्यात आला.
पोलिस उपअधीक्षक संभाजी सावंत यांना नुकताच मुंबई येथील राजभवनात राज्यपाल भगतसिंग कोषारी यांच्या हस्ते नुकताच पोलिस राष्ट्रपती पदक देऊन सन्मानित करण्यात आले. या पार्श्वभूमीवर श्री. सावंत यांचा नंदुरबार येथे शांतता कमेटीचा बैठकी दरम्यान राष्ट्रवादीचे शहर अध्यक्ष योगेश मराठे व कार्यकर्त्यांकडून सत्कार करण्यात आला. यावेळी मुस्लिम समाज अध्यक्ष आरिफ नुरा, तळोदा पो.नी.केलसिंग पावरा आदी उपस्थित होते.
