नंदुरबार l प्रतिनिधी
शहादा तालुक्यातील डोंगरगाव शिवारात एका झाडावर दोन तरुणांचे मृतदेह गळफास घेतलेल्या परिस्थितीत आढळून आल्याने परिसरात एकच खळबळ उडाली आहे. याबाबत ओळख पटविण्याचे आवाहन पोलीस निरीक्षक दिपक बुधवंत यांनी केले आहे.
पोलिस सूत्रांनी दिलेल्या माहितीनुसार शहादा तालुक्यातील डोंगरगाव शिवारात डोंगरा लगतच्या जंगल भागात एका झाडावर आज दि . 31 मार्च 2022 रोजी सकाळी दोन युवकांचे मृतदेह लटकलेल्या स्थितीत आढळले. या ठिकाणी दोन आनोळखी युवक ठिबक सिंचनच्या एकाच नळीने गळफास घेतलेल्या स्थितीत आढळले .याबाबतची माहिती पोलीस पाटील यांनी शहादा पोलीस ठाण्याचे निरीक्षक दिपक बुधवंत यांना दिली .त्यांनी तत्काळ घटनास्थळी जाऊन पाहणी केली . तेव्हा त्यांचे मृतदेह ताब्यात घेऊन शवविच्छेदनासाठी पाठवण्यात आले . घटनास्थळी काहीही आढळले नाही.दोन्ही मृतदेह कुजलेले असल्यामुळे घटना घडून बराच कालावधी उलटल्याचे दिसत असून ही आत्महत्या आहे की घातपात , याबाबत पोलीस अधिक तपास करीत आहेत. शहादा पोलिसांनी ओळख पटविण्याचे आवाहन केले आहे .
