नंदुरबार | प्रतिनिधी
राज्यपाल भगतसिंह कोश्यारी यांच्या हस्ते २०२० या वर्षात जाहीर झालेली राष्ट्रपती पोलीस पदके तसेच गुणवत्तापूर्ण सेवा पदके राजभवन येथे प्रदान करण्यात आली.यावेळी राज्यपालांनी अक्कलकुव्याचे पोलीस उपअधीक्षक संभाजी सुदाम सावंत यांचा पदक प्रदान केले.
पोलीस दलातील उल्लेखनीय व गुणवत्तापूर्ण सेवेसाठी राज्यातील ९७ पोलीस अधिकारी व पोलीस कर्मचार्यांना राज्यपाल भगतसिंह कोश्यारी यांच्या हस्ते २०२० या वर्षात जाहीर झालेली राष्ट्रपती पोलीस पदके तसेच गुणवत्तापूर्ण सेवा पदके राजभवन येथे सोमवारी समारंभपूर्वक प्रदान करण्यात आली.यावेळी राज्यपालांनी अक्कलकुव्याचे पोलीस उपअधीक्षक संभाजी सुदाम सावंत यांचा गुणवत्तापूर्ण सेवेसाठी पोलीस पदकांनी सन्मानित केले.यावेळी दहा पोलीस अधिकारी व जवानांना उल्लेखनीय सेवेबद्दल पोलीस शौर्य पदके प्रदान करण्यात आली तर ८ पोलीस अधिकारी व जवानांना उल्लेखनीय सेवेबद्दल राष्ट्रपती पोलीस पदके प्रदान करण्यात आली. ७९ पोलीस अधिकारी व जवानांना गुणवत्तापूर्ण सेवेसाठी पोलीस पदके प्रदान करण्यात आली.
पोलीस अलंकरण समारंभाला उपमुख्यमंत्री अजित पवार, गृहमंत्री दिलीप वळसे पाटील, गृहराज्यमंत्री (ग्रामीण) शंभूराज देसाई, अतिरिक्त मुख्य सचिव (गृह) आनंद लिमये, पोलीस महासंचालक रजनीश सेठ, मुंबईचे पोलीस आयुक्त संजय पांडे तसेच पोलीस अधिकारी, सेवानिवृत्त अधिकारी व गौरविण्यात येणार्या पोलीस अधिकार्यांचे कुटुंबिय उपस्थित होते. यावेळी राज्यपाल भगतसिंह कोश्यारी यांच्या हस्ते पोलीस उपअधीक्षक संभाजी सुदाम सावंत यांना गुणवत्तापूर्ण सेवेसाठी पोलीस पदकांनी सन्मानित करण्यात आले.