नंदुरबार | प्रतिनिधी
धडगांव तालुक्यातील कात्री येथे शेतातील रस्ता तयार करण्याचा वादातून दोन गटात हाणामारी झाली असून परस्पर विरोधी तक्रार करण्यात आली असून याप्रकरणी आठ जणांविरूध्द धडगांव पोलीस ठाण्यात गुन्हा दाखल करण्यात आला आहे.
याबाबत पोलीस सुत्रांनी दिलेल्या माहितीनुसार, धडगांव तालुक्यातील कात्रीचा आमलीपाडा येथे राहणार्या शिवा भिकजी वळवी यांच्या शेतात सुंडया मनसी पाडवी याने शेतात जेसीबी लावून रस्ता बनवत असतांना शिवा वळवी याने याबाबत विचार केली असता त्याचा राग येवून सुंडया पाडवी व इतर तिघांनी शिवा वळवी यांना मारहाण करून शिवीगाळ करीत जिवेठार मारण्याची धमकी दिली म्हणून शिवा भिकजी वळवी यांच्या फिर्यादीवरून धडगांव पोलीस ठाण्यात सुंडया मनसी पाडवी, दित्या पारसी पाडवी, साया हुजर्या पाडवी, वसंत सत्या पाडवी सर्व कात्री ता.धडगांव यांच्या विरूध्द भादंवि कलम ३२४, ३२३, ५०४, ५०६, ३४ प्रमाणे गुन्हा दाखल करण्यात आला आहे. याप्रकरणी पुढील तपास पोना दिपक वारूळे करीत आहेत.
तर दुसर्या घटनेत दिलीप पाडवी यांनी त्यांच्या शेतात रस्ता तयार करण्यासाठी जेसीबी मागविले होते. त्याला शिवा वळवी याने विरोध केला. यावेळी दिलीप पाडवी हे समजविण्यात गेले असता शिवा भिकजी वळवी व इतर तिघांनी दिलीप पाडवी व उषाबाई पाडवी तसेच बिरबा पाडवी यांना मारहाण करून दुखापत केली. तसेच शेतात पाय ठेवल तर जिवंत सोडणार नाही अशी धमकी दिली म्हणून दिलीप मानसी पाडवी यांच्या फिर्यादीवरून धडगांव पोलीस ठाण्यात शिवा भिकजी वळवी, काकडया भिकजी वळवी, पिसा जेगल्या वळवी, गुला काकडया वळवी सर्व रा.कात्री ता.धडगांव यांच्या विरूध्द भादंवि कलम ३२४,३२३, ५०४, ५०६, ३४ प्रमाणे गुन्हा दाखल करण्यात आला आहे. याप्रकरणी पुढील तपास स्वप्निल गोसावी करीत आहेत.
