नंदूरबार l प्रतिनिधी
युक्रेनमध्ये अडकलेल्या नंदुरबार येथील यशवंत चौधरी हा विद्यार्थी आज घरी परतला आहे. नवापूर येथील आशिका सोनार नंतर परतणार हा दुसरा विद्यार्थी आहे.जिल्ह्यातील एकूण ९ विद्यार्थ्यांपैकी 7 विद्यार्थी अद्यापही अडकलेले आहेत.
नंदूरबार जिल्ह्यातील 9 विद्यार्थी युक्रेनमध्ये अडकले होते.ऑपरेशन गंगा अंतर्गत नंदुरबार शहरात राहणाऱ्या यशवंत प्रकाश चौधरी याचे आज सकाळी त्याच्या घरी जंगा स्वागत करण्यात आले आहे. घरच्यांनी रांगोळी आणि फटाक्यांच्या आतिषबाजीमध्ये यशवंतचे स्वागत केले. पहिला बॉम्बहल्ला झाल्यानंतर भारतीय दुतावास गाठल्यानंतर युक्रेनच्या सीमपर्यत अतिशय कमी तापमानात खडतर आणि जीवघेणा प्रवास होता असा अनुभव त्यांने सांगितला आहे. बुकारेस्ट मधुन भारतीय सरकाच्या मदतीने खुद्द हवाईमंत्री यांनी विचारपुस करुन विमानात बसवुन भारतात दिल्लीत आणुन एक दिवस महाराष्ट्र सदनात राहण्याची उत्तम व्यवस्था करुन आज नंदूरबारला पोहचवल्याची माहीती देत. या साऱ्या परिस्थीतीमधुन स्वगृही परतवल्याबद्दल भारत सरकाचे आभार मानले आहे.