नंदूरबार l प्रतिनिधी
महाराष्ट्र राज्य शिक्षण महामंडळाच्या इयत्ता दहावी व बारावीच्या मंडळ परीक्षेवर बहिष्कार टाकणे,शाळा परवानगी शिवाय उपलब्ध न करून देणे याबाबत निर्णय घेण्यासाठी नंदुरबार येथील राजे शिवाजी विद्यालय येथे बैठकीचे आयोजन करण्यात आले होते.
त्या बैठकीत जिल्ह्यातील शिक्षण संस्थाचालकांच्या वतीने जिल्हा शिक्षण संस्थाचालक संघटनेचे जिल्हाध्यक्ष माजी आमदार चंद्रकांत रघुवंशी यांनी महाराष्ट्र राज्य शिक्षण संस्था महामंडळाचे राज्य अध्यक्ष तथा माजी केंद्रीय मंत्री विजय नवल पाटील यांनी घेतलेल्या निर्णयानुसार नंदुरबार जिल्ह्यातील माध्यमिक व उच्च माध्यमिक विभागातील शिक्षण संस्था चालक इयत्ता दहावी,इयत्ता बारावीच्या बहिष्कारावर आंदोलनाचा निर्णयावर ठाम असून माजी आमदार चंद्रकांत रघुवंशी यांनी हा निर्णय घेतला असून नंदुरबार जिल्ह्यातील सर्व शिक्षण संस्थाचालकांनी शिक्षण मंडळाच्या इयत्ता दहावी व इयत्ता बारावीच्या बोर्ड परीक्षांसाठी संस्थेला लेखी परवानगीशिवाय शाळा उपलब्ध करून दिल्या जाणार नाहीत असे पत्र दिले जाणार असल्याचे पत्र नंदुरबार माध्यमिक शिक्षणाधिकारी जिल्हा परिषद नंदुरबार, उपसंचालक नाशिक विभाग नाशिक,अध्यक्ष महाराष्ट्र राज्य माध्यमिक व उच्च माध्यमिक परीक्षा मंडळ नाशिक यांना देण्यात येणार असून राज्य महामंडळाच्या थकित आठशे कोटी वेतन अनुदानासह नियमित वेतन अनुदान मिळावे, अर्थसंकल्पीय अधिवेशन मार्च 2022 मध्ये तरतूद करावी,पवित्र पोर्टलची भरती बेकायदेशीर आहे ती रद्द करावी,शिक्षक शिक्षकेतर भरती सुरू करावी,टप्पानिहाय विनाअनुदानित शाळांना प्रचलित धोरणसह नियमित अनुदान मिळावे अशा प्रमुख मागण्या सादर करण्यात आल्यात यावेळी सभेत माजी आमदार चंद्रकांत रघुवंशी,के.डी.गावित शिक्षण संस्थेचे अध्यक्ष राजेंद्रकुमार गावित, यशवंत पाटील,श्रीपत पाटील,युवराज पाटील, भास्कर पाटील,प्राध्यापक एन.डी.नांद्रे,चेतन पवार, प्राध्यापक जिजाबराव पवार,विवेक पाटील, जितेंद्र पाटील,रवींद्र पाटील,राजीव पाटील, कदमबांडे,एस.डी.पाटील, लक्ष्मण माळी,सय्यद इसरार हे या बैठकीस उपस्थित होते.
