नंदूरबार l प्रतिनिधी
भाजपच्या वतीने अल्पसंख्यांक मंत्री नवाब मलिक यांच्यावर ईडीने केलेल्या कारवाई संदर्भात राजीनामा द्यावा अशी मागणी करीत नंदूरबार शहरातील पलिकेजवळ छत्रपती शिवाजी महाराजांच्या पुतळ्याला पुष्पहार अर्पण करून भाजपाचे जिल्हाध्यक्ष विजय चौधरी, माजी आमदार शिरीष चौधरी यांच्यासह शेकडो कार्यकर्त्यांनी महाविकास आघाडी सरकार आणि मंत्री नवाब मलिक यांच्या विरोधात जोरदार निदर्शने केली.यावेळी उपनिवासी जिल्हाधिकारी सुधीर खांदे यांना निवेदन देण्यात आले.
या निवेदनात म्हटले आहे की, निष्पापांचा बळी घेणारे मुंबई बॉम्बस्फोटातील आरोपींकडून कवडीमोल भावाने जमिनी विकत घेऊन महापाप करणाऱ्या नवाब मालिक विरोधात विरोधी पक्षनेते देवेंद्र फडणवीस यांनी तक्रार केली होती, त्यानंतर ईडीने चौकशी करून त्यांना अटक केली असतानाही मंत्री नवाब मलिक यांच्यावर महाविकास आघाडी सरकार, मुख्यमंत्री उद्धव ठाकरे राष्ट्रवादीचे नेते शरद पवार पाठीशी घालत असल्याचा आरोप करत महाविकास आघाडी सरकार विरोधात नंदूरबार शहरातील पलिकेजवळ छत्रपती शिवाजी महाराजांच्या पुतळ्याला पुष्पहार अर्पण करून जोरदार निदर्शने करत घोषणाबाजी केली मंत्री नवाब मलिक यांनी राजीनामा द्यावा अशी मागणी भाजपने लावून धरली आहे.
भाजपा जिल्हाध्यक्ष विजय चौधरी, मा.आ.शिरीष चौधरी, जिल्हा संघटन सरचिटणीस निलेश माळी, जिल्हा उपाध्यक्ष डॉ. सपना अग्रवाल, जिल्हा उपाध्यक्ष संगीता सोनवणे, जिल्हा उपाध्यक्ष युवराज राजपूत, जिल्हा कोषाध्यक्ष कमल ठाकूर, शहराध्यक्ष नरेंद्र माळी, नगरसेवक प्रशांत चौधरी, भटके-विमुक्त आघाडी जिल्हाध्यक्ष संजय साठे, महिला मोर्चा जिल्हा उपाध्यक्ष मनीषा निकम, ओबीसी मोर्चा जिल्हा सरचिटणीस प्रकाश गवळे, जिल्हा कार्यकारणी सदस्य अशोक चौधरी, शहर सरचिटणीस खुशाल चौधरी, युवा मोर्चा जिल्हा उपाध्यक्ष राहुल चौधरी, युवा मोर्चा शहरअध्यक्ष जयेश चौधरी, सांस्कृतिक सेल शहराध्यक्ष कैलास भावसार, उद्योग आघाडी शहराध्यक्ष रमन दुसेजा, बाळा चौधरी आदि कार्यकर्ते पदाधिकारी मोठ्या संख्येने उपस्थित होते.