नंदुरबार l प्रतिनिधी
नंदुरबार लोकसभा मतदार संघाच्या खा.डॉ.हीना गावित यांना संसदेतील विशेष कामगिरीसाठी प्राईम पॉईन्ट फाऊंडेशनतर्फे सन २०२२ चे संसदरत्न पुरस्कार जाहीर करण्यात आले आहेत. तब्बल सहाव्यांदा सदर संस्थेच्यावतीने संसदरत्न पुरस्कार जाहीर करण्यात आला.
काल प्राईम पॉईन्ट फाऊंडेशनतर्फे देशातील ११ खासदारांना संसदरत्न पुरस्कार जाहीर केला. यामध्ये नंदुरबार लोकसभा मतदार संघाच्या खा.डॉ.हीना गावित यांचा समावेश आहे. खा.डॉ.हीना गावित यांना सदर संस्थेच्यावतीने सहाव्यांदा सदरचा पुरस्कार जाहीर करण्यात आला आहे. संसद भवनात लोकसभा मतदार संघातील विविध प्रश्न, समस्या प्रभावीपणे मांडून त्याचे अभ्यासपूर्ण विवेचन करणाऱ्या खा.डॉ.हीना गावित यांना सदरचा पुरस्कार जाहीर झाल्याने भाजपा पदाधिकारी व समर्थकांमधून समाधान व्यक्त करण्यात येत आहे. १२ वा संसदरत्न पुरस्कार वितरण सोहळा दि.२६ फेब्रुवारी रोजी दिल्लीत होणार आहे. खा.डॉ.हीना गावित संसदेत उत्कृष्ठ कामगिरी करत असल्याने त्यांना सदरचा पुरस्कार बहाल करण्यात येणार आहे.
