नंदुरबार | प्रतिनिधी
धडगांव तालुक्यातील मांडवी शासकीय आश्रम शाळेतील विद्यार्थींनीनी मुलींची समस्या तात्काळ सोडवण्याच्या मागणीसाठी ६० कि.मी. अंतर पायपीट करीत तळोदा प्रकल्प कार्यालयावर मोर्चा काढला मांडवी आश्रमातून सकाळी ६ वाजता पायपीट करीत दुपारी दीड वाजता तळोदा प्रकल्प गाठले आश्रम शाळेत विद्यार्थिनींना आश्रम शाळेत मुख्यध्यापक समस्या मांडताना उडवाउडवीची उत्तर देतात, डीबीटी अनुदान मिळाले नाही फिजिक्स विषय शिक्षक नाहीत आदींसह आश्रमात समस्यांबाबत 50 विद्यार्थींनीनी ६० किमी पायपीट करत प्रकल्प गाठले.
याबाबत अधिक माहिती अशी कि, धडगांव तालुक्यातील मांडवी शासकीय आश्रम शाळेतील समस्या, मागणीसाठी 50 विद्यार्थींनीनी ६० कि.मी. अंतर पायपीट करीत तळोदा प्रकल्प कार्यालयावर मोर्चा काढला मांडवी आश्रमातून सकाळी ६ वाजता पायपीट करीत दुपारी दीड वाजता तळोदा प्रकल्प गाठले. विद्यार्थीनी पायी चालत येत असल्याचे माहीत झाले. त्यानंतर विविध संघटनेचे पदाधिकारी यांची अर्ध्या रस्त्यात जाऊन भेट घेतली, त्यात मुलीची प्रमुख मागणी केली की मुख्याध्यापक सूर्यकांत पावरा यांची तात्काळ बदली करण्यात यावी. भौतिकशास्त्र ,भूगोल ,इतिहास या विषयाचे शिक्षण उपलब्ध नाही, अद्यापपर्यत डिबीटीची रक्कम देण्यात आली नाही.वीज नसल्यावर गावातून पाणी आणावे लागत आहे.कन्या शाळेत मुली जास्त असल्याने याठिकाणी स्वयंपाक करण्यार्‍या कर्मचारी याची कमरता आहे.अशी मागणी असून त्याच्या मागण्या या रास्त असून तात्काळ सोडविण्यात यावी असे निवेदन प्रकल्प अधिकारी यांना देण्यात आले.यावेळी निवेदन देतांना राष्ट्रवादी युवक कॉंग्रेसचे पार्टीचे जिल्हा उपाध्यक्ष ऍड. रुपसिंग वसावे,ऍड गणपत पाडवी, विनोद माळी, बबिता राहसे,अनिता पावरा, उर्वीशा राहसे,प्रिया पावरा,आधी उपस्थित होते.
दरम्यान राज्याचे आदिवासी मंत्री असणार्‍या ॲड.के.सी.पाडवी यांच्या मतदार संघातच विद्यार्थींनीनी समस्या सोडवण्यासाठी ६० किमी पायपीट करावी लागते ही दुदैवाची बाब आहे.
