नंदूरबार l प्रतिनिधी
धडगांव वडफळया रोषमाळ – बु नगरपंचायतीच्या नगराध्यक्षपदासाठी आज अर्ज दाखल करण्याच्या शेवटच्या दिवशी शिवसेनेचे धनसिंग दादला पावरा यांचा एकमेव अर्ज दाखल करण्यात आला.त्यामुळे त्यांचा निवडीच्या घोषणेची फक्त औपचारिकता बाकी आहे.
धडगांव वडफळया रोषमाळ – बु नगरपंचायतीच्या 17 प्रभागांसाठी सदस्यपदाच्या सार्वत्रिक निवडणूकीचे मतदान दि.21 डिसेंबर रोजी झाले तर मतमोजणी दि . 19 जानेवारी 2022 रोजी पार पडली आहे.यात शिवसेना १३, काँग्रेस ३ तर भाजपा १ जागेवर विजयी झाले.धडगांव वडफळया रोषमाळ – बु नगरपंचायतीच्या नगराध्यक्षपदासाठी कोण उमेदवार असेल याकडे जिल्हावासियांचे लक्ष लागून होते. शिवसेनेतर्फे प्रभाग क्र.१२ मधील शिवसेनेचे विजयी उमेदवार धनसिंग दादला पावरा यांच्या नावावर शिक्कामोर्तब करण्यात आला.धडगांव वडफळया – रोषमाळ बुनगरपंचायतीच्या अध्यक्ष व उपाध्यक्षपदाची निवडणूक घेण्यासाठी बोलाविण्यात आलेल्या विशेष सभेचे नगरपंचायतीच्या सभागृहात आयोजन दि. 20 फेब्रुवारी रोजी दुपारी १२ वाजेला आयोजीत करण्यात आली आहे.आज नगराध्यक्ष पदासाठी अर्ज दाखल करण्याच्या शेवटच्या दिवशी शिवसेनेचे धनसिंग दादला पावरा यांचा एकमेव अर्ज दाखल करण्यात आला.त्यामुळे त्याच्या निवडीची फक्त औपचारिकता बाकी आहे.आज अर्ज दाखल करताना दिलीप पाटील यांच्या सह नगरसेवक उपस्थित होते.दि. 20 फेब्रुवारी आयोजीत विशेष सभेचे पिठासिन अधिकारी म्हणून शहाद्याचे प्रांताधिकारी डॉ.चेतनसिंग गिरासे याची नियुक्ती करण्यात आली आहे.
